| e-texts navigator |
| Wylie |
308a1 ཁྱབ།། དེ་བཞིན་དེ་ཉིད་གཉེན་པོར་ཀུན་བྱུང་ཀུན་ཏུ་གསལ།། ཧོ། ཆོས་རྣམས་ཇི་སྙེད་འགྲོ་དྲུག་སྨིན་བྱེད་བརྗོད་མི་ལང་།། དུས་མཐའ་རྨོངས་ལ་གནས་པ་བརྗོད་མི་ལང་།། འདོད་པས་ཞེན་པའི
308a2 ལས་ཀྱང་ཇི་སྙེད་ཇི་སྲིད་པར།། དྲག་པོ་བདོ་བའི་རླུང་ཆེན་བསམ་མི་ཁྱབ།། བདེ་བར་བཅས་པ་གཞན་དུ་མེད་པར་བརྗོད་མི་ལང་།། བསྐལ་པར་བསགས་པའི་དུག་ཆེན་རབ་རྟོགས་ཀུན་ཏུ་རྟོག། དེ་རྣམས་ཟིལ
308a3 གནོན་ཁྲག་འཐུང་སྐུ་གསུང་འཇིགས་བྱེད་པར།། རྐྱེན་དུ་བཅས་ནས་སྦུ་བུས་འབྲས་བུ་སྨིན་པ་རབ་སྨིན་ལྟར།། དགྱེས་པ་ཆེན་པོ་བཅོམ་ལྡན་འདས་ནི་མང་པོའི་ཚོགས།། དཔག་མེད་བསམ་ཡས་ལྷུན་གྲུབ
308a4 པས།། རབ་ཏུ་འདུལ་བར་ཤིན་ཏུ་གསལ།། ཧོ། ཁྲོ་བོའི་རང་བཞིན་གདུག་པར་འཇིགས་པ་མ་ཡིན་ཞིང་།། ཞི་བ་མཛེས་པ་ཀུན་གྱི་ཡིད་དང་འཐད་པར་གནས་རྒྱུད་ཡོང་མ་ཡིན།། དེ་ཉིད་གཉིས་སུ་མིན་པའི་ཆོ
308a5 འཕྲུལ་བསམ་ཡས་ཐམས་ཅད་ཀུན་ཏུ་ཁྱབ།། རིགས་ལྔ་ཁྲག་འཐུང་འཇིགས་པའི་རོལ་པ་རྡུལ་སྙེད་རབ་སྟོན་པའི།། རྣམ་དག་བྱང་ཆུབ་མཆོག་གི་དབྱིངས་ཏེ་གསང་བའི་སྙིང་པོར་རབ་བསྟན་ངེས་པ་ཉིད་དེ་ཤིན་ཏུ
308a6 གནས་པར་གསལ།། ཧོ། རྡོ་རྗེ་གསང་བའི་ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་དཀྱིལ་འཁོར་བསྟན་པའི་ལེའུ་སྟེ་སུམ་ཅུ་གཅིག་པའོ།། །། དེ་ནས་བཅོམ་ལྡན་འདས་དགྱེས་པ་ཆེན
iiif viewer powered by OpenSeadragon
