| e-texts navigator |
| Wylie |
306b1 མགོ། རབ་ཏུ་རྣོ་བའི་རལ་གྲི་འབར།། བདེན་བྲལ་ཉིད་ཀྱང་ཕྱག་ན་བསྣམས།། སྲིན་པོའི་ཚོགས་རྣམས་དབང་དུ་བསྡུས།། ནུབ་བྱང་མཚམས་ཀྱི་བགེགས་འདུལ་བ།། རླུང་གི་བ་དན་ནརྀ་མགོ་གདེངས།། ཤིན་ཏུ་དྲག
306b2 པོ་གླང་པོའི་བརྗིད།། ཚིག་སྲུང་ཉིད་ཀྱང་ཕྱག་ན་བསྣམས།། གཡེང་བ་ཐམས་ཅད་དབང་དུ་བསྡུས།། འོག་ཏུ་འཇིག་རྟེན་བགེགས་འདུལ་ཕྱིར།། ཕྱག་རྒྱ་རི་རབ་ཆེན་པོ་སྟེ།། ཕག་ཆེན་པོ་ནི་ཕྱག་ན་བསྣམས།། འོག
306b3 གི་བགེགས་རྣམས་འདུལ་བའོ།། གཞན་ཡང་ཉི་ཟླའི་དཀྱིལ་འཁོར་གྱིས།། ཚ་དང་གྲང་བའི་སྡུག་བསྔལ་སེལ།། མེ་ཡི་དཀྱིལ་འཁོར་ཆེན་པོ་ཡིས།། ཐམས་ཅད་མ་ལུས་སྲེག་པར་བྱེད།། ཆུ་ཡི་དཀྱིལ་འཁོར་ཆེན་པོ
306b4 ཡིས།། ཐམས་ཅད་མ་ལུས་འཁྲུ་བར་བྱེད།། རླུང་གི་དཀྱིལ་འཁོར་ཆེན་པོ་ཡིས།། ཐམས་ཅད་མ་ལུས་གཏོར་བར་བྱེད།། གཞན་ཡང་རལ་གྲི་འཁོར་ལོར་བཅས།། མདའ་གཞུ་ཐོ་ཆེན་གྲི་ཆེན་དང་།། རྡོ་རྗེ་མདུང་ཆེན
306b5 དགྲ་སྟར་བཅས།། མཆེ་གཙིགས་སྤུ་གྲི་སོ་དང་ནི།། མདའ་དང་མདུང་དང་སྟི་ར་དང་།། གཞན་ཡང་ཕྱག་རྒྱ་སྣ་ཚོགས་སོ།། དབུས་ཀྱི་ཧེ་རུའི་ཕྱག་རྒྱ་ནི།། སྟི་ར་དབྱུག་ཏོ་ཆེན་པོ་དང་།། འཁོར་ལོ་ཆེན་པོ་རབ་ཏུ
306b6 འབར།། དུང་ཆེན་དམར་གྱིས་གང་བ་ལ།། རྡོ་རྗེས་དཀྲུག་ཅིང་རབ་ཏུ་གསོལ།། ཤར་གྱི་ཁྲོ་བོའི་ཕྱག་རྒྱ་ནི།། སྟི་ར་ཆེན་པོའི་དབྱུག་པ་དང་།། རྡོ་རྗེ་ཆེན་པོ་རབ་ཏུ་འབར།། ནརྀ་མགོ་དམར་ཆེན་བཀང་བ་གསོལ།། ལྷོ
iiif viewer powered by OpenSeadragon
