| e-texts navigator |
| Wylie |
304a1 རྣམས།། དཀྱིལ་འཁོར་ཆེན་པོར་བཞེས་སུ་གསོལ།། དཔའ་བོ་ལྷ་རྗེ་བཞེས་སུ་གསོལ།། བདག་ཅག་སོ་སོའི་འཁོར་བཅས་ཀྱིས།། ཚོགས་ཀྱི་དཀྱིལ་འཁོར་ཆེན་པོ་འདིར།། མིང་ཙམ་འཛིན་པར་བྱེད
304a2 པ་ཡང་།། གཙུག་གི་ནོར་བུ་འབར་བ་ལྟར།། གཡོ་སྒྱུ་མེད་ཅིང་གུས་ལྡན་པའི།། སེམས་ཀྱིས་བླངས་ནས་སྤྱི་བོ་ཡི།། གཙུག་ཏུ་བཞག་སྟེ་བཀུར་བར་བགྱི།། དེ་ཡི་དགོས་པ་ཅི་ཡང་རུང་།། མ་ལུས་རྫོགས་པར་བདག
304a3 ཅག་སྒྲུབ།། གལ་ཏེ་དཔའ་བོའི་སྤྱན་སྔ་འདིར།། སྨྲས་པ་བཞིན་དུ་མ་བསྒྲུབས་ན།། བདག་ཅག་རྣམས་ཀྱི་མགོ་ལུས་སྙིང་།། གསད་གཏུབས་དུམ་བུར་རལ་བར་མཆི།། ཞེས་སྨྲས་སོ།། དེ་ནས་དེའི་ཆུང་མའི་ཚོགས
304a4 དང་སྲིད་མོ་དང་བུ་མོའི་ཚོགས་ཐམས་ཅད་ཡུད་ཙམ་གྱིས་འོངས་ནས་ཐམས་ཅད་ཀྱིས་མགྲིན་གཅིག་ཏུ་སྨྲས་པ།། བདག་ཅག་འཁོར་ཚོགས་ཐམས་ཅད་ཀུན།། དཔའ་བོ་ཆེན་པོའི་འབངས་སུ་མཆི།། དཔའ་བོ་ཆེན
304a5 པོས་བདག་ཅག་རྣམས།། ལས་ཀྱི་དངོས་གྲུབ་སྩལ་དུ་སྩོལ།། ཞེས་སྨྲས་སོ།། དེ་ནས་བཅོམ་ལྡན་འདས་དགྱེས་པ་ཆེན་པོས་ལག་ཏུ་རྡོ་རྗེ་བྱིན་ནས་མིང་གི་དབང་བསྐུར་ཏེ་དཀྱིལ་འཁོར་གྱི་ཕྱི་རོལ་དུ་བཀོད
304a6 དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་རང་བཞིན་གྱི་དཀྱིལ་འཁོར་གྱི་སྤྲིན་རྣམ་པར་སྤྲོས་པའི་ལེའུ་སྟེ་ཉི་ཤུ་བརྒྱད་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་དཀྱིལ་འཁོར
iiif viewer powered by OpenSeadragon
