| e-texts navigator |
| Wylie |
300a1 སྔོན་གྱི་རྟེན་པའི་སྟོབས་དང་ཐམས་ཅད་མཁྱེན་པས་གཟིགས་ནས་ཐུགས་རྗེས་འདུལ་བར་གྱུར་ཏེ་ཐམས་ཅད་ཀྱིས་མཚན་ཉིད་བསྟན་པའི་གླུ་འདི་བླངས་སོ།། ཨེ་མའོ་འགྲོ་བ་ཡོངས་ནི་བདེར
300a2 གཤེགས་ལམ་ཡིན་ཏེ།། སྡུག་བསྔལ་སྲེག་མཛད་སྒྱུ་མའི་སྤྲུལ་པར་སྣང་།། ཡོན་ཏན་རྨད་འབྱུང་ཆེ་བའི་རང་བཞིན་འདི།། སྡུག་བསྔལ་ཀུན་ལ་བཤེས་གཉེན་མགོན་པོ་ཡིན།། རྨོངས་དང་འཁྲུལ་པ་རབ་སེལ་ཞེ་སྡང
300a3 འཇོམས།། ཀུན་འབྱུང་བདེ་བ་རྡོ་རྗེ་སྐུ་མཆོག་སྟེ།། རྫོགས་ལྡན་མཛད་པའི་ཕྲིན་ལས་བསམ་ཡས་པས།། ཐུགས་རྗེ་ཆེན་པོའི་དབང་གིས་བདུད་རྣམས་འཇོམས།། སྐུ་མདོག་སྣ་ཚོགས་ཐབས་མཁས་བསམ
300a4 ཡས་ལ།། རོལ་པའི་རྩེད་མོར་འགྲོ་བའི་དོན་མཛད་ཅིང་།། བྱང་ཆུབ་སེམས་ཀྱིས་ལམ་ལ་གནས་པར་མཛད།། འགྲོ་བ་ཀུན་ལས་བདེ་བ་གཅིག་པུ་པ།། ཨ་ཧོཿདགྱེས་པའི་མཉེས་པ་ཉིད་ལ་གནས་པར
300a5 མཛད།། བྱིན་བརླབས་ཀུན་གྱིས་བདེ་བ་ཉིད་ལ་སྣང་།། ཞེས་བརྗོད་པས་དེ་བཞིན་གཤེགས་པ་ཉིད་ལ་ཀུན་ལས་རྣམ་པར་རྒྱལ་བ་ཉིད་དུ་མཁྱེན་ནས་མཉེས་པར་གྱུར་ཏོ།། དེ་ནས་དེ་བཞིན་གཤེགས་པ་ཆེ་བའི་རྡོ།
300a6 རྗེ་བཀོད་པའི་སྒྱུ་འཕྲུལ་དྲ་བ་ལས་འཇིག་རྟེན་དྲུག་གི་ཕྱོགས་བཅུའི་སྲིད་པ་གསུམ་གྱི་བདག་པོ་འདུལ་བའི་ང་རྒྱལ་ཆེན་པོ་གཟི་བརྗིད་སྟོན་པའི་ཕྱིར་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི
iiif viewer powered by OpenSeadragon
