| e-texts navigator |
| Wylie |
29a1 མེད་པའི་ངོ་བོ་ནི།། བདེ་བ་ཆེན་པོའི་རྡོ་རྗེ་འཆང་།། ཐོག་མ་མཐའ་མ་མེད་པ་ནི།། སངས་རྒྱས་ཀུན་གྱི་རང་བཞིན་ཉིད།། དང་པོར་རང་བཞིན་སྐྱེ་མེད་པའི།། མི་དམིགས་པ་ལས་འདས་པ་ཡི།། དེ
29a2 བཞིན་ཉིད་དེ་མ་བཅོས་པའི།། རང་བཞིན་ངེས་པར་རྟོགས་པར་བྱ།། ཆོས་རྣམས་རང་བཞིན་དངོས་མེད་པའི།། བདག་གཞན་དངོས་འཛིན་ཞེན་བྲལ་བའི།། དེ་བཞིན་ཉིད་ནི་མ་བཅོས་པའི།། རང་བཞིན་རང་གི།
29a3 རྣམ་པར་བསྒོམ།། དངོས་དང་དངོས་མེད་ཞེན་བྲལ་བའི།། རང་བཞིན་ཡེ་ཤེས་ཀུན་སྣང་འོད།། ནམ་མཁའ་ལྟ་བུར་ཕྱོགས་མེད་པའི།། སྒྱུ་མ་ལྟ་བུར་བསམ་པར་བྱ།། རིག་པ་སྒྱུ་མའི་རང་བཞིན་ལས།། ཐབས་དང
29a4 ཤེས་རབ་ཉི་ཟླའི་གདན།། ཧཱུཾ་བཅས་རྡོ་རྗེ་འོད་དུ་འབར།། ཕྲ་མོ་རྡོ་རྗེ་སེམས་དཔའ་འམ།། གང་ཡང་རུང་བའི་ཡབ་ཡུམ་བསྒོམ།། གང་རུང་ཕྲ་མོའི་རང་བཞིན་ལས།། ཚད་དང་ལྡན་པའི་ཕྱག་རྒྱ་སྟེ།། སྐྱོན་དང་བྲལ
29a5 བས་རྟག་བསྒོམས་ཤིང་།། དེ་དག་གསལ་ཞིང་བརྟན་པར་བྱ།། གནས་ལྔ་དང་ནི་གནས་གསུམ་དང་།། གནས་གཅིག་ཕྱག་རྒྱར་གསལ་བར་བསྒོམ།། དེ་ནས་སངས་རྒྱས་རྒྱ་གཅིག་ལས།། ཐབས་དང་ཤེས་རབ་ཕྱེ་བ
29a6 ཡིས།། བརྒྱད་ཅུ་གསལ་བར་བསྒོམ་པར་བྱ།། དེ་ནས་ཡེ་ཤེས་ལྔ་སོགས་པས།། སྐུ་གསུང་ཐུགས་ལ་ནན་ཏན་བྱ།། ཡེ་ཤེས་སེམས་དཔའ་གོམས་གྱུར་ནས།། རིགས་བཞིའི་སེམས་དཔའ་ཡབ་ཡུམ་དང་།། ཀུན
iiif viewer powered by OpenSeadragon
