| e-texts navigator |
| Wylie |
298b1 ངེས་དུས་འདི་དག། སྔ་ཕྱི་མེད་པར་མཉམ་ཡིན་པར།། ངེས་པ་མེད་པར་ཡང་དག་གསུངས།། འཇིག་རྟེན་འདས་དང་འཇིག་རྟེན་པའི།། རང་དང་སྤྱི་རུ་བསྟན་པ་དང་།། ཇི་སྙེད་བརྟན་གཡོ་ལ་སོགས་པ།། སྒྱུ་མ་མིག
298b2 ཡོར་ཚུལ་ཡིན་ཏེ།། སྐྱེས་བུ་བློ་རྩ་ལ་རབ་ལྡན་པས།། དེ་ལ་རྟག་ཏུ་མཉམ་སྦྱོར་ཞིང་།། སེམས་ཅན་ཀུན་གྱི་ཞིང་གྱུར་པ།། དེ་དག་གཉིས་མེད་དབྱིངས་སུ་སྦྱོར།། ཐམས་ཅད་ཐབས་ཀྱི་མཚན་ཉིད་དེ།། ཐབས
298b3 ལ་ཐབས་ནི་རྣམ་པར་སྦྱོར།། ཐབས་དང་ཐབས་ལས་བྱུང་བ་ཡི།། དེ་ནི་བྱང་ཆུབ་རྡོ་རྗེ་མཆོག། ཇི་སྙེད་བརྗོད་པའི་ཁ་བརྒྱུད་ཀྱང་།། ཡང་དག་དོན་གྱི་སྙིང་པོ་ནི།། གང་ནས་བཙལ་ཀྱང་མི་རྙེད་དེ།། རང་རིག་སྒྲིབ
298b4 མེད་དག་པ་ཡིན།། དེ་ལ་རྟག་འགྲུས་གོམས་པ་ནི།། བསྙེན་པའི་དམ་པ་དེ་ཡིན་ཏེ།། དེ་ནི་མ་ནོར་ལམ་ཡིན་པར།། ཨ་ཡིས་བྷོ་དྷི་རབ་ཏུ་བསྡུས།། དེ་བཞིན་ཉིད་ཀྱི་དབྱིངས་ཉིད་ནི།། གཅིག་གམ་འདི་ཞེས་བརྗོད་དུ
298b5 མེད།། གསུམ་དུ་སྣ་ཚོགས་འབྱུང་ཞིང་འཕྲོ།། བྱིན་བརླབས་བསམ་ཡས་མཐའ་ཡས་མཆོག། དོན་བསྡུས་གསུང་རབ་བཞི་བཅུ་གཉིས།། དེ་ལས་ལྷག་པའི་དོན་སྨྲ་བ།། དེ་ནི་རྣམ་དག་ལམ་མིན་ཏེ།། རང་བློས་བསམ
298b6 པའི་འཁྲུལ་པ་ཡིན།། ཐམས་ཅད་རང་རིག་བྱང་ཆུབ་སེམས།། དེ་ནི་ལུང་གི་ཚད་མར་བཤད།། ཚད་བཞིས་ཕབ་པའི་དོན་ཡིན་ཏེ།། དག་པ་རྣམ་གསུམ་ཚུལ་བསྒོམ་ཞིང་།། འབྲུ་ལྔར་བསྡུས་པ་ཐབས་ཆེན་ཏེ།། འགྲོ།
iiif viewer powered by OpenSeadragon
