| e-texts navigator |
| Wylie |
298a1 ཡིན།། ཞེས་བརྗོད་པས་ཆོས་དང་ཡེ་ཤེས་ཀྱི་ཁམས་ཐམས་ཅད་རང་བཞིན་སངས་རྒྱས་པར་དེ་བཞིན་གཤེགས་པ་ཉིད་ཀྱིས་མཁྱེན་ཏོ།། མཁྱེན་ནས་ཇི་བཞིན་པའི་བདག་ཉིད་ཆེན་པོ་དེ་བཞིན
298a2 གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་སྒྱུ་འཕྲུལ་དྲ་བ་ལས་རྡོ་རྗེ་གསང་བའི་ཚིག་འདི་ཕྱུང་ངོ་།། ཨེ་མའོ་མ་བསྒྲུབས་གྲུབ་ཆེན་པོ།། གྲུབ་པ་ཆེན་པོ་ཡེ་ཤེས་ཆེ།། བླང་དོར་མེད་པའི་ས་ཆེན
298a3 པོ།། མི་གཡོ་འདུ་འབྲལ་མེད་པའི་གཟུངས།། རྟོག་པའི་ཡེ་ཤེས་ཡིད་བཞིན་གཏེར།། ཐམས་ཅད་ལ་ཡང་མེ་ལོང་བཞིན།། བལྟས་ཀྱང་གཟུགས་བརྙན་མི་སྣང་ངོ་།། གང་ན་གསང་ཆེན་འདི་ཡོད་པར།། མེ་མ་མུར་གྱི
298a4 དོང་འབོགས་ལ།། སྤུ་གྲི་སོ་ནི་གཏམས་པ་ལ།། འཛེགས་ནས་བུ་དག་འགྲོ་བར་བྱོས།། ཁོང་ན་གནས་པའི་ཡང་ཁོང་དུ།། ལྕག་ཀྱི་སྒྲོམ་བུ་ཁ་བསྡམ་མོ།། དབྱིངས་ཉིད་ལ་ནི་ཉིད་སྤྱོད་ཕྱིར།། དབྱིངས་ཉིད་མཆོག་གི
298a5 གནས་ལ་སྤྱོད།། དེ་ཉིད་མི་གནས་མྱ་ངན་འདས།། རྡོ་རྗེ་གསང་བའི་ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་གསང་བ་ཆེན་པོ་མན་ངག་གཏན་ལ་ཕབ་པའི་ལེའུ་སྟེ་ཉི་ཤུ་དྲུག་པའོ།། །། དེ་ནས་དེ
298a6 བཞིན་གཤེགས་པ་དགྱེས་པ་ཆེན་པོས་མཉམ་པའི་དཀྱིལ་འཁོར་ལ་བཞུགས་ནས་ཉིད་ཀྱི་སྐུ་ལ་ཐམས་ཅད་མ་ལུས་པར་སྟོན་ཏེ་ཆེད་དུ་བརྗོད་པ་འདི་བརྗོད་དོ།། འདས་དང་ད་ལྟར་མ་འོངས་དང་།། འབྱུང་བར་མ
iiif viewer powered by OpenSeadragon
