| e-texts navigator |
| Wylie |
297b1 འཚམ་པར་ཅི་ཐེག་གི། བདག་ཉིད་མ་མཐོང་ཤེས་རྒྱུད་མ་འབྱོངས་པ།། གཞན་དུ་ཚོལ་ཞིང་རྨོངས་པའི་སེམས་ཅན་གྱིས།། བསྟན་ཀྱང་མ་ཐོས་མཚོན་ཀྱང་མ་མཐོང་བ།། བདག་ཅག་གཞན་དུ་ཚོལ་བས་སངས་མི
297b2 རྒྱས།། དེ་དང་མ་བྲལ་སྟོན་པ་མི་མཐོང་ཞིང་།། བགྲོད་པར་འདོད་པས་ཕྱིན་པར་མི་ནུས་ཏེ།། ཤེས་རྒྱུད་ཅི་ཡིན་གང་གིས་ངོ་ཤེས་ཤིང་།། བྱ་བྱེད་ལས་འཕགས་གྱིན་ད་འདུག་བྱེད་པ།། གང་ཞིག་བློ་ལ་དཔྱོད་པ་བྱང
297b3 ཆུབ་ཐོབ།། མ་སྤངས་མཚན་མ་ཀུན་བྲལ་ཡོད་མེད་པས།། དྲན་བྱེད་མི་སྤོང་འཁོར་རྒྱུན་མི་འབྱེད་དེ།། མ་སྙིགས་མི་འབྱེད་མངོན་སུམ་སངས་རྒྱས་ལ།། བློ་ཡི་རིག་པས་དཔྱོད་ཅིང་ནན་ཏན་དང་།། མཆོད་ཅིང་བསྟེན
297b4 པས་བྱང་ཆུབ་ཐོབ་མངོན་ཏེ།། ནམ་མཁའ་གཟུང་བས་སྤྲིན་གྱིས་ཁེབས་པར་འགྱུར།། ནམ་མཁའ་མེད་པར་གང་གིས་ཤེས་པ་ན།། སྤྲིན་ཞིག་འབྱུང་ཞིང་ཁེབས་པར་མི་སྲིད་དོ།། རྣམ་པར་རྟོག་པའི་གཡུང་དྲུང
297b5 སངས་རྒྱས་ལ།། ཐམས་ཅད་ཡེ་ནས་མཉམ་གནས་རྣམ་དག་ཅིང་།། མི་རྟོགས་ལེར་གནས་ལ་རྟོག་པ་མཛད།། བསྙད་དུ་མེད་པས་སྣ་ཚོགས་འབྱུང་བ་ཡིན།། བདག་མེད་བདག་ཆེན་ཐམས་ཅད་འབྱུང་བའི
297b6 གཏེར།། མ་བཀག་པ་ལས་རྒྱུ་ཞིང་འབྱུང་མེད་པའི།། ཐམས་ཅད་སེམས་ཀྱི་ངང་སྟེ་སེམས་ཞེས་གདགས་སུ་མེད།། མ་བཅོས་ལྷུན་གནས་ཡེ་ནས་བྱང་ཆུབ་ཅིང་།། ཐོབ་རྒྱུ་མེད་པས་ཡེ་ནས་བདེར་གཤེགས
iiif viewer powered by OpenSeadragon
