| e-texts navigator |
| Wylie |
297a1 སྦྱིན།། དུས་མིན་པར་ནི་སྲོག་ཟད་ནས།། བསྲེགས་དང་སྦྲེབས་པར་ཡུན་རིང་གནས།། ཞེས་དེ་བཞིན་གཤེགས་པ་ཉིད་ལ་ཆེད་དུ་བརྗོད་དོ།། དཀྱིལ་འཁོར་ལྡན་པའི་དཀྱིལ་འཁོར་གྱིས།། དཀྱིལ
297a2 འཁོར་ལ་ནི་དཀྱིལ་འཁོར་བསྒོམ།། དཀྱིལ་འཁོར་དཀྱིལ་འཁོར་ལས་བྱུང་བ།། ཐུགས་ཀྱི་དཀྱིལ་འཁོར་དཀྱིལ་འཁོར་མཆོག། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་གསང་བ་མན་ངག་གི་སྙིང་པོའི
297a3 ལེའུ་སྟེ་ཉི་ཤུ་ལྔ་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་དགྱེས་པ་ཆེན་པོའི་ངང་ལས་གསང་བ་འབྱུང་བ་བྱ་བ་འདི་ཆེད་དུ་བརྗོད་པ་འདི་བརྗོད་དོ།། ཨེ་མའོ་ཐམས་ཅད་མ་ལུས་དུས
297a4 གསུམ་བདེར་གཤེགས་མཆོག། གདོད་ནས་མ་སྐྱེས་རྣམ་དག་བྱང་ཆུབ་སེམས།། རང་བཞིན་དབྱེར་མེད་གདོད་མཐའ་མི་འབྱེད་ཅིང་།། ཡེ་ནས་མཉམ་པས་རྒྱལ་བ་རྒྱ་མཚོ་ཡིན།། འགྲོ་འོད་མེད་པར་དུས་གསུམ
297a5 ཅིག་ཆར་རྫོགས།། དབྱེ་བསལ་མེད་ཕྱིར་བཟང་ངན་བླང་དོར་མེད།། རྣམ་རྟོག་ཉིད་ན་ཡེ་ཤེས་རང་བཞིན་ཏེ།། རྣམ་རྟོག་མི་སྐྱེད་ཡེ་ཤེས་བརྗོད་དུ་མེད།། བདག་ཏུ་མེད་པའི་སྐྱེས་མཆོག་སྔོན་སྦྱངས་པ།། ཁྲི་ལ
297a6 འགའ་ཙམ་གལ་ཏེ་འབྱུང་འགྱུར་ཞིང་།། སྔར་བས་ཕྱིས་འབྱུང་དག་དང་དབྱེར་མེད་པའི།། མངོན་སུམ་སངས་རྒྱས་སྐྱེས་མཆོག་དེ་དག་ལ།། བསྐལ་པ་འགའ་ནས་ཤེས་རབ་བློ་སྦྱངས་པ།། དད་ལྡན་འགའ་ཡིས
iiif viewer powered by OpenSeadragon
