| e-texts navigator |
| Wylie |
295a1 སྐུ་དང་བདུད་རྩིར་འགྲུབ།། ཨཱ་ལི་ཀ་ལའི་ཕྱག་རྒྱ་ཡིས།། སྐུ་གསུང་མཆོག་གི་ཐུགས་ལྡན་པས།། ཐམས་ཅད་ཐམས་ཅད་འགྲུབ་པར་འགྱུར།། ཤེས་འཇུག་མཚན་ཉིད་འབྱོར་པའི་གཟུངས།། འབྲས་བུ
295a2 སྨིན་བྱེད་རྒྱུ་དང་རྐྱེན།། ནུས་མཐུ་ཅན་དུ་གང་གྱུར་པ།། རིག་འཛིན་རྒྱལ་བའི་ཞིང་དུ་གྲགས།། མི་དང་ལྷ་དང་ཚངས་པ་ཡི།། སྐྱེ་བ་རྣམ་དག་འཛིན་མོད་ཀྱི།། ཁྱད་པར་ས་ལ་གནས་གྱུར་ཡིན།། ཕ་རོལ་ཕྱིན་པ་ཀུན
295a3 ཏུ་རྫོགས།། ཐབས་དང་ཤེས་རབ་མཆོག་གི་མཆོག་གྱུར་པའི།། ས་ཡི་ཁྱད་པར་བཅུ་དང་གསུམ།། རྒྱུ་འབྲས་ཁྱད་པར་ལྷུན་གྱིས་རྫོགས།། མཁའ་དབྱིང་དང་བའི་དབྱིངས་ཉི་ཟླ།། ཡེ་ཤེས་རྒྱལ་པོ་སྟངས་དཔྱལ
295a4 སྒོམ།། རྒྱལ་བའི་དཀྱིལ་འཁོར་ཐམས་ཅད་ཀུན།། མ་ལུས་པར་ནི་བསྒོམས་པར་འགྱུར།། དུས་བཞི་ཕྱོགས་བཅུ་གང་ནས་ཀྱང་།། རྫོགས་པའི་སངས་རྒྱས་རྙེད་མི་འགྱུར།། སེམས་ཉིད་རྫོགས་པའི་སངས་རྒྱས
295a5 ཏེ།། སངས་རྒྱས་གཞན་དུ་མ་ཚོལ་ཅིག། དཀྱིལ་འཁོར་ཀུན་ཏུ་རབ་སྦྱོར་བས།། དཀྱིལ་འཁོར་ཐམས་ཅད་གྲུབ་པར་འགྱུར།། ཆོ་ག་ལྷག་གམ་མ་ཚང་ན།། སྐྱོན་ཉིད་དག་སྟེ་ཉེས་པ་མེད་ཅེས་ཆེད་དུ་བརྗོད་པས་རོལ
295a6 མོའི་སྤྲིན་གྱིས་མཉེས་པར་གྱུར་ཏོ།། རོལ་མོའི་སྤྲིན་གྱིས་མཉེས་པར་གྱུར་ཏེ།། སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་རྡོ་རྗེ་གསང་བའི་ཚིག་འདི་ཕྱུང་ངོ་།། ཨ་ཧོཿ།། མ་མཐོང་རྨོངས་ལ་ཆགས་པ
iiif viewer powered by OpenSeadragon
