| e-texts navigator |
| Wylie |
293b1 མ་ལུས་ལ།། དགྱེས་མཉམ་མཆོག་གི་སྦྱིན་པས་བསྟིམ།། གྲུབ་པའི་ཉི་ཟླ་སྙིང་པོ་དེ།། འགྲོ་དྲུག་དུས་གནས་དེ་དག་ཉིད།། མཆོད་པ་ཆེན་པོར་མཉེས་སྦྱར་ཞིང་།། དཀྱིལ་འཁོར་རྡོ་རྗེ་རྩེ་ཡིས་བླང་།། མཁའ་འགྲོ།
293b2 གསལ་འབར་ཚེ་ལ་སོགས།། ཡིད་བཞིན་སྤྲིན་གྱི་བདག་པོར་འགྱུར།། ཞིང་འགྱུར་མཆོག་དང་མཆོག་ཕྲན་རྣམས།། ཉི་ཟླའི་དཀྱིལ་དུ་མཁས་པས་གཞག། ང་རྒྱལ་ལག་གིས་འདུ་བྱེད་བསྒོམ།། ཧཱུཾ་དུ་གྱུར་པས་རྣམ
293b3 པར་དག། དབྱིངས་སུ་ཐིམ་ནས་ཕྱག་རྒྱར་འབར།། སྐུར་འགྱུར་འོད་ཟེར་འཕྲོ་བས་བརྗིད།། གཙུག་ཏོར་རྣམ་པར་རྒྱལ་བ་བསྒོམ།། ངོ་མཚར་ངན་འགྲོ་ཐར་པའི་ཐབས།། ཡེ་ནས་སྐྱེ་མེད་དེ་བཞིན་ཉིད།། སྒྱུ་མ་སྣང
293b4 བ་མིག་ཡོར་ཚུལ།། སྦྱོར་སྒྲོལ་བྱ་བ་ཀུན་བྱས་ཀྱང་།། རྡུལ་ཆ་ཙམ་ཡང་བྱས་པ་མེད།། སྣོད་བཅུད་རྒྱུད་རྣམས་དག་རྟོགས་ཤིང་།། མཉམ་ཉིད་ལྷག་པའི་མཉམ་ཉིད་ཀྱིས།། དཀྱིལ་འཁོར་ཀུན་ཏུ་བཟང་པོའི
293b5 ཞིང་།། བྱེད་སྤྱོད་ཚོགས་ཆེན་གཉིས་གྱུར་ནས།། ཡན་ལག་མ་ཉམས་ཡོ་བྱད་ལྡན།། ཆོ་ག་རྫོགས་པར་ཤེས་པ་ཡི།། རྣལ་འབྱོར་ཚོགས་པའི་དཀྱིལ་འཁོར་གྱིས།། ངེས་པར་ལེགས་པའི་དགོས་པ་འགྲུབ།། ལྔ་ཞིང་ལྔ
293b6 དང་སྦྱོར་བ་ཡི།། ཚོམ་བུ་ལྔ་ཡི་ལྷ་བཀོད་ལ།། ཁྲོ་བོ་བཅུ་དང་ཁྲོ་མོ་བཅུ།། འཁོར་ལོའི་ཚུལ་དུ་རྣམ་པར་བསྒོམ།། དེ་བཞིན་གཤེགས་དང་རྡོ་རྗེའི་རིགས།། པདྨའི་རིགས་དང་སྐུ་གསུང་ཐུགས།། ཁྲོ་བོའི་ཚོགས་དང
iiif viewer powered by OpenSeadragon
