| e-texts navigator |
| Wylie |
291b1 ཚོགས།། ཀུན་ཏུ་བཟང་པོ་ལ་སོགས་མཚན།། མཐོ་རིས་ཐར་པའི་དབང་པོར་འགྱུར།། ལུས་དང་ཕུང་པོར་བཅས་པའི་ས།། རིག་འཛིན་ས་ལ་གནས་པ་ཡིན།། རིག་འཛིན་ས་ལ་གནས་པའི་ས།། བླ་མེད་ཀུན་ཏུ
291b2 བཟང་པོར་འགྱུར།། ཡུམ་དང་སྒེག་མོ་ལ་སོགས་ལ།། དེ་ཉིད་བྱིན་གྱིས་རློམ་པར་འགྱུར།། ཕོ་ཉ་འདུ་འཕྲོ་མང་པོ་རྣམས།། སངས་རྒྱས་བཀའ་ལས་མི་འདའ་ཞིང་།། དེ་ཡི་དགོས་པ་བྱེད་པ་དང་།། སྒྲོ་དང་སྐུར་པ་ལ
291b3 སོགས་པ།། དེ་ནི་མྱུར་དུ་བརླག་པར་འགྱུར།། ཚེ་རིང་བདེ་བ་ཕུན་སུམ་ཚོགས།། མཐོ་རིས་ཐར་པའི་བདག་པོར་འགྱུར།། ཞེས་ཆེད་དུ་བརྗོད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དབང་སྦྱིན་པའི་ལེའུ
291b4 སྟེ་ཉི་ཤུ་གཅིག་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོ་མཉམ་པ་ཉིད་ལ་བཞུགས་ནས་ལྷག་པའི་ཏིང་ངེ་འཛིན་གྱིས་དངོས་གྲུབ་མྱུར་བར་ལེན་པའི་ཐབས་འདི་གསུངས་སོ།། དེ་བཞིན་ཉིད་དང
291b5 མཉམ་སྦྱོར་ཕྱིར།། དམ་པའི་དོན་གྱིས་བསྒོམ་པར་བྱ།། བྱང་ཆུབ་ཕྱོགས་ལ་གཟུང་བར་གནས།། མཆོག་ཏུ་བདེ་བའི་ཞིང་གནས་པས།། མཉམ་རྫོགས་ཆེན་པོ་ལྷུན་བསྒོམ་ཞིང་།། བྱང་ཆུབ་སེམས་སུ་བརྟན་པར
291b6 གཟུང་།། བྱ་བ་མེད་ལས་བྱ་བྱེད་བྱ།། མི་གནས་གནས་ལ་གནས་པར་བསྒོམ།། བྷ་གའི་དཀྱིལ་དུ་ལིངྒ་ཨ།། ཤིན་ཏུ་འཚེར་ཞིང་གསལ་བསྒོམས་ནས།། འོད་འཕྲོ་འབར་བས་ཐམས་ཅད་ཁྱབ།། དུས་གསུམ་ངན
iiif viewer powered by OpenSeadragon
