| e-texts navigator |
| Wylie |
290a1 ལོངས་སྤྱོད་འཕེལ་བ་དང་།། ཇི་ལྟར་དམིགས་པ་བཞིན་དུ་འགྲུབ།། ཐུགས་རྗེ་ཆེན་པོའི་བྱིན་བརླབས་ཀྱིས།། གཏུམ་ཁྲོ་མ་ལུས་ཞི་བྱའི་ཕྱིར།། དཀར་ཞིང་འཚེར་བའི་ཆོས་སྐུ་བསྒོམ།། གང་ཞིག
290a2 གཏུམ་ཁྲོ་ཞི་བའི་གདན།། དེ་བཞིན་ཏིང་འཛིན་བྱིན་བརླབས་ན།། གཏུམ་པོ་རྔམ་པོའང་ཞི་བར་འགྱུར།། གཞན་ཡང་ཇི་ལྟར་དམིགས་པ་བཞིན།། ཞི་ཞིང་དུལ་བ་ཉིད་དུ་འགྱུར།། ཐམས་ཅད་མཁྱེན་པའི་ཡེ་ཤེས
290a3 ཀྱིས།། རྣམ་བཞི་དཀྱིལ་འཁོར་དབྱིངས་སུ་བསྡུས།། བྱ་བྱེད་མེད་པར་དཀྱིལ་འཁོར་སྤྱོད།། ལྷུན་གྲུབ་དཀྱིལ་འཁོར་ཡེ་ནས་རྫོགས།། ཨ་ཧོཿ། ཆོས་སྐུ་ཕྱག་རྒྱ་ཆེན་པོ་ནི།། དངོས་གྲུབ་གང་འདོད་སྦྱིན་པར་ངེས།། ཉེ
290a4 བའི་ལྷ་ནི་གང་བསྒྲུབ་པ།། ཕྱག་རྒྱའི་སྙིང་པོ་བྲིས་བཅུག་ན།། གང་བསྒོམས་ཐེ་ཚོམ་མེད་པར་འགྲུབ།། དེ་ནི་རྒྱལ་བ་ཀུན་དང་མཉམ།། ཐེ་ཚོམ་མེད་དེ་ངེས་འགྲུབ་འགྱུར།། འཇིག་རྟེན་པ་ཡི་ལྷ་སྒྲུབ་ན།། ལྷ་ཡི་སྙིང
290a5 པོ་གང་ཡང་རུང་།། བྲིས་ཏེ་དཀྱིལ་འཁོར་ནང་བཅུག་ན།། ལྷ་དེ་ཉེ་བར་འགྲུབ་པར་འགྱུར།། ཆོས་ཉིད་རྟེན་ཅིང་འབྲེལ་བྲིས་ན།། ཆོས་ཀྱི་དོན་རྣམས་རྟོགས་འགྱུར་ཏེ།། རང་དག་སྤྱི་ཡི་དོན་རྟོགས་ནས།། སྐྱེ་རྒ་ན
290a6 འཆི་མེད་པར་རྟོགས།། ཕྱག་རྒྱ་ཆེན་པོ་དེ་དག་ལ།། ཉོན་མོངས་ལས་རྣམས་སྦྱོང་བྱེད་པའི།། སྙིང་པོ་མ་ནོར་དོན་བྲིས་ན།། ངན་སོང་སྡུག་བསྔལ་མེད་པར་འགྱུར།། གཞན་ཡང་དཀྱིལ་འཁོར་བསམ་ཡས
iiif viewer powered by OpenSeadragon
