| e-texts navigator |
| Wylie |
28a1 ཕྱག་རྒྱའི་རྣལ་འབྱོར་དང་།། ལྷུན་གྲུབ་ལ་གནས་ཆོ་ག་བཞིན།། དུས་དང་རང་རང་སྐལ་བ་བཞིན།། ལེ་ལོ་ཐེ་ཚོམ་མེད་བརྩོན་པས།། རབ་འབྲིང་ཐ་མ་ཇི་བཞིན་འཐོབ།། འཐོབ་བྱ་ཀུན་གྱི་ངོ་བོ
28a2 ནི།། རང་བྱུང་གསལ་བའི་སྙིང་པོ་སྟེ།། གཟུང་འཛིན་ཐ་དད་ཀུན་གྱིས་སྟོངས།། བྱང་ཆུབ་ནམ་མཁའི་རང་བཞིན་ནོ།། ཐབས་དང་ཤེས་རབ་དབྱེར་མེད་པའི།། དཀྱིལ་འཁོར་སྣ་ཚོགས་འབར་བ་ཉིད།། བདེ་ཆེན་སྐུ
28a3 གསུང་ཐུགས་ཉིད་དེ།། རང་བྱུང་ཉིད་ལས་གཞན་མ་ཡིན།། ཐོག་མེད་དུས་ནས་རབ་སྦྱངས་པའི།། སྐལ་ལྡན་དམ་ལས་མ་ཉམས་པས།། རང་རང་ཆོ་ག་བཞིན་བསྒྲུབས་ན།། སངས་རྒྱས་ཚེ་འདིས་འགྲུབ་འགྱུར།
28a4 ན།། རིག་འཛིན་ས་ལ་སྨོས་ཅི་དགོས།། རང་རང་གོམས་པའི་ཐབས་ཉིད་དེ།། མོས་དང་འཚམས་པའི་ཁྱད་པར་བལྟ།། གཞན་དུ་ཆོ་ག་ཉམས་པར་འགྱུར།། དཔལ་ལྡན་རང་གི་དམ་ཚིག་འདིས།། བསྐལ་པ་བྱེ་བར
28a5 མི་འགྲུབ་པ།། ཉི་ཤུ་ལྔ་ལྡན་ལྷུན་གྲུབ་ས།། སྐྱེ་བ་འདི་ལ་ཐེ་ཚོམ་མེད།། བྱ་བ་བྱེད་ལ་མ་ཆགས་ཤིང་།། གཉིས་མེད་སྒྱུ་མར་གསལ་གོམས་ན།། དཀའ་ཐུབ་གདུང་བ་ཀུན་སྤངས་པས།། འདི་ཉིད་ལ་ནི་དགའ་བར
28a6 འགྲུབ།། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས།། ཚོགས་ཀྱི་འཁོར་ལོ་གསང་བའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་དེ་བཞིན་གཤེགས།། སྒྱུ་འཕྲུལ་དྲ་བ་དགྱེས་ཆེན
iiif viewer powered by OpenSeadragon
