| e-texts navigator |
| Wylie |
286a1 སློབ་མ་གཞུག་པར་བྱ།། དེ་ནས་རིགས་ཀྱི་བུ་མཆོག་དེས།། རྒྱལ་སྲིད་དང་ནི་རང་གི་ལུས།། བུ་དང་ཆུང་མ་ནོར་གྱི་དབྱིག། རབ་ཏུ་གཅེས་དང་ཡིད་འཐད་དབུལ།། དབང་ཕྱུག་ལོངས་སྤྱོད་ལྔས་མཆོད
286a2 ན།། དཀྱིལ་འཁོར་ཐམས་ཅད་མཆོད་པ་ཡིན།། ཉེ་བའི་དཀྱིལ་འཁོར་སྨོས་ཅི་དགོས།། ཉེས་པ་ཐམས་ཅད་དག་པར་འགྱུར།། དད་བརྩོན་བརྟུལ་ཞུགས་རབ་རྟོགས་ནས།། ཕན་པའི་དབང་སྦྱིན་ནུས་པའི
286a3 དབང་།། རིམ་པ་བཞིན་དུ་སྦྱིན་པར་བྱ།། སྙིང་རྗེས་ཆུད་མ་ཟོས་པར་གཟུང་།། ཡང་ན་ཐལ་མོ་རབ་བསྣོལ་ནས།། ཕྱག་ཆེན་པོ་ཡི་འཕང་དུ་ནི།། དཀྱིལ་འཁོར་མཛུབ་གང་ཚད་དུ་བྱ།། མཁས་པས་ཆོ་ག་བཞིན་དུ
286a4 བྱ།། ཡང་ན་ས་གཞི་མཉམ་པ་ལ།། དཀྱིལ་འཁོར་ཁྲུ་གང་ཚད་དུ་བྱ།། ཡང་ན་ལུས་གང་ཚད་དུ་སྟེ།། ཡང་ན་ལུས་ནི་གསུམ་གྱི་ཚད།། ཕུར་བུ་སྲད་བུ་ཚོན་ཕྱེ་དང་།། གོས་རྒྱན་མཛེས་མ་ཡིད་འོང་གྲོགས།། ཐིག
286a5 གདབ་ཆོ་ག་ཕུན་སུམ་ཚོགས།། མཁས་ལྡན་ཆེན་པོས་བསྒྲིམས་ཏེ་བྱ།། ཡང་ན་ཁྲུ་ནི་བཅུ་དྲུག་དང་།། ཉི་ཤུའམ་ཉི་ཤུ་རྩ་ལྔར་བྱ།། རིགས་ཀྱི་དཀྱིལ་འཁོར་ལྔ་རྣམས་བསྒོམ།། སྐུ་གསུང་ཐུགས་ལྡན་གཟུགས་ཀྱང
286a6 དགོད།། ཡང་ན་རྒྱང་གྲགས་དཔག་ཚད་དམ།། ནམ་མཁའི་དབྱིངས་ནི་བསམ་ཡས་པར།། སངས་རྒྱས་དཀྱིལ་འཁོར་སྣ་ཚོགས་བསྒོམ།། མ་མཐོང་རྨོངས་པ་སྟོན་ཕྱིར་ཚོན།། ཁ་དོག་ཉི་ཤུ་རྩ་ལྔའམ།། ལྔ་ཡི་ཚོན
iiif viewer powered by OpenSeadragon
