| e-texts navigator |
| Wylie |
284b1 ཏེ།། དྲག་ཏུ་ཕཊ་ཅེས་བརྗོད་པས་ནི།། ཁ་དོག་ནག་པོར་བདག་གནས་ཤིང་།། བསྐལ་པ་འབར་བའི་དབུས་གནས་པ།། ཁྲོས་ཏེ་དགུག་པ་ཉིད་དག་ཏུ།། རྒྱང་ནི་རིང་དུ་འཕངས་པ་ན།། ཅི་འདོད་ལས་རྣམས་འགྲུབ
284b2 པར་ངེས།། ཨོཾ་བཛྲ་ད་ཧ་ཛ་ལ་ཧ་ན་བཛྲ་པ་ཙ་ཛ་ལ་བཛྲ་ཧཱུཾ་ཕཊ། ཆོས་ལ་བརྟན་པ་ཕྱག་བསྣམས་པ།། སྦུབས་ནི་དྲིལ་བུ་ཆོས་ཁམས་ཏེ།། ཤེས་རབ་ཡུམ་གྱི་ཚོགས་སུ་བརྟག། སྐད་ནི་གསུང་སྙན་བདེ་བ་མོ།། ལྕེ་ནི
284b3 གར་མཁན་མྱ་ངན་འདས།། ཆོས་སྐུ་ཐུགས་ཀྱི་ཐུགས་ཉིད་ལས།། རབ་ཏུ་གསོར་ལ་གང་བརྩོན་པས།། མཱཾ་ལ་སོགས་པའི་ཡི་གེ་བསྒོམ།། རྡོ་རྗེ་འཁོར་ལོ་པདྨ་འབར།། མཱཾ་གྱི་ཚོགས་ཀྱི་དཀྱིལ་འཁོར་ནི།། ཀུན་ཏུ
284b4 དབང་སྒྱུར་ཡིད་འོང་བའི།། འདོད་པ་བཞིན་དུ་མཐུན་པས་འགྲུབ།། ཨོཾ་བཛྲ་གྷཎྜ་པཱ་ཤ་དྷརྨ་དྷཱ་ར། ཧཱུཾ་ཧཱུཾ་ཧཱུཾ་ཞེས་བརྗོད་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་དགྱེས་པར་གྱུར་ཏོ།། གསང་བའི
284b5 སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་ཐབས་དང་ཤེས་རབ་ཏུ་འབྱུང་བ་ཕྱག་མཚན་གྱི་ལེའུ་སྟེ་བཅུ་བདུན་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོ་རྡོ་རྗེ་གསང་བའི་དམ་ཚིག
284b6 བཀོད་པ་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ།། ཤིན་ཏུ་ཕྲ་བའི་དམ་ཚིག་མཆོག། ཕྱག་རྒྱ་ཆེན་པོའི་ཕྱག་མཐིལ་དུ།། ཐུགས་ཀྱི་དཀྱིལ་འཁོར་དམ་པ་དེ།། སོར་ནི་བཞི་ཡི་ཚད་དུ་བྱ།། འབྲུ་ལྔ
iiif viewer powered by OpenSeadragon
