| e-texts navigator |
| Wylie |
284a1 བདག་ཉིད་དང་།། འདུལ་བ་ཐབས་ཀྱི་རྒྱལ་པོ་ཡིས།། ཕྱེ་ཞིང་བཤིག་དང་བཅོམ་ལ་སོགས།། དཀྲུགས་ཤིང་ཐལ་བ་རྡུལ་ཕྲན་བཞིན།། བཙན་ཞིང་འབར་བའི་འདུ་འགྲོ་འདིས།། ཐམས་ཅད་རལ་གྲི
284a2 ཉིད་པས་ན།། ནམ་མཁའ་ཁམས་ཀུན་བཀང་བ་ཡིན།། དེ་ལས་ཕྲིན་ལས་གསུང་བྱུང་བའོ།། ཧཾ་ཀརྨ་ཛ་ལཱ་ན་ལརྐ་ཧཱུཾ་ཕཊ། མཱཾ་ལུས་ངག་ཡིད་གསུམ་དྲིལ་བུ་ལས།། སྐུ་གསུང་ཐུགས་ཉིད་གཏུམ་པོར
284a3 འགྱུར།། བསྐོར་ཐབས་ཆེ་བའི་མཆོག་ཚུལ་དུ།། རྡོ་རྗེ་ལན་གསུམ་གསོར་བ་ཡིས།། ལྷ་མོ་ཀླུ་མོ་རིགས་ངན་མོ།། དམ་ཅན་རྣལ་འབྱོར་དབང་དུ་འགྱུར།། རྣལ་འབྱོར་ཕོ་མོ་གང་སྣང་བའི།། ཐམས་ཅད་གཅིག་ཏུ
284a4 འདུས་པར་ནི།། ཡུལ་ལ་མངོན་དུ་སྣང་བར་འགྱུར།། མི་བསྐྱོད་རྡོ་རྗེ་ཐབས་ལྡན་པས།། ཨོཾ་དང་ཧཾ་ནི་མ་ཐལ་བར།། ལན་གསུམ་གསོར་ཆེན་གུར་དཀར་བསྒོམ།། ལྷན་ནེའི་དཀྱིལ་འཁོར་མཆོག་ཏུ་འགྱུར།། ཨོཾ་དང
284a5 ཧཾ་ནི་ཐལ་ཙམ་དུ།། ཀུན་ཏུ་གྲུ་བཞིར་བདག་གནས་ཏེ།། ལན་གསུམ་གསོར་ལ་གང་བརྩོན་པ།། ཚེ་དང་སྐལ་བ་འཕེལ་བར་འགྱུར།། ལོངས་སྤྱོད་ཅི་འདོད་གྲུབ་པར་འགྱུར།། དེ་ནས་ཟླ་གམ་མདོག་དམར
284a6 ཤམ།། འབྲེལ་པ་མཉམ་པར་ལན་གསུམ་གྱིས།། ཁྲོས་པས་གསོར་ལ་གང་བརྩོན་པས།། ཡིད་ལ་དམིགས་དང་ལས་ཐམས་ཅད།། དབང་ཆེན་དཀྱིལ་འཁོར་ཉིད་དུ་འགྱུར།། དེ་ལས་གཏུམ་པའི་མདོག་གནས
iiif viewer powered by OpenSeadragon
