| e-texts navigator |
| Wylie |
282b1 ཞིང་འབར་བའི་འཕྲོ་འདུ་འདིས།། ཐམས་ཅད་འཁོར་ལོ་ཉིད་པས་ན།། ནམ་མཁའི་ཁམས་ཀུན་བཀང་བ་ཡིན།། དེ་ལས་འཁོར་ལོ་གསུང་འབྱུང་བ།། ཨོཾ་ཙཀྲ་ཛ་ལཱ་ན་ལཱརྐ་ཧཱུཾ་ཕཊ།། ཨོཾ། ལུས་ངག་ཡིད་གསུམ་པདྨ
282b2 ནི།། སྐུ་གསུང་ཐུགས་ཀྱི་ཡེ་ཤེས་ཏེ།། སྐུ་གསུང་ཐུགས་ཀྱི་ཡེ་ཤེས་ནི།། པདྨ་སེམས་དཔའ་དཔའ་བོ་ཡིན།། པདྨ་སེམས་དཔར་རང་གནས་པས།། པདྨ་དགྲ་སྟ་སོར་ཞིང་སྤྲོ།། ཨེ་མའོ་པདྨ་ཆེ་མཆོག་གི། ཉིད་ཀྱི
282b3 མཚན་དུ་གསོལ་བ་ནི།། ཅིས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ་གཡོས་མ་འདྲེས་པས།། བདེ་ཆེན་མཆོག་ཏུ་གྱུར་པས་ན།། ཀུན་ཀྱང་ཕྱག་རྒྱ་བཞི་རྒྱས་བཏབ།། རྒྱལ་བ་རྣམས་ཀྱི་ཐུགས་ཉིད་ལས།། པདྨ
282b4 འཆང་རྒྱལ་ཐམས་ཅད་ཀྱིས།། རང་གི་རྟགས་སུ་བསྟན་པའི་ཕྱིར།། མི་ཕྱེད་པདྨ་འཆང་ཞེས་བྱ།། ཨོཾ་ཇི་ལྟར་རྒྱལ་པོ་རང་གི་རྒྱས།། རྒྱལ་པོ་གཙིགས་ནི་བཏབ་པ་ལྟར།། བདེ་ཆེན་སྙིང་ལ་གནས་པ་དང་།། དབང
282b5 ཆེན་དུས་ལ་བརྩོན་པ་ཡིས།། ཐམས་ཅད་ཀུན་ལ་དེ་ལྟར་འབེབས།། འདའ་དཀའ་ཇི་བཞིན་མི་ཤིགས་པ།། རྒྱལ་པོ་ཕྱག་རྒྱ་མཆོག་གི་གནས།། ཧཱུཾ། བདག་ཉིད་ཆེན་པོ་མཚན་མ་གཟུགས།། ཕྱག་རྒྱ་ཞེས་ནི་བསྒྲགས
282b6 པ་ཡིན།། ཉིད་ཀྱི་ལུས་ནི་བརྟན་ཕྱིར་རོ།། པདྨ་དགྲ་སྟ་དྲག་ཆེན་དང་།། རང་ཉིད་ཆེ་བའི་བདག་ཉིད་དང་།། འདུལ་བ་ཐབས་ཀྱི་རྒྱལ་པོ་ཡིས།། ཕྱེ་ཞིང་བཤིག་དང་བཅོམ་ལ་སོགས།། དཀྲུགས་ཤིང་ཐལ་བ་རྡུལ
iiif viewer powered by OpenSeadragon
