| e-texts navigator |
| Wylie |
281b1 ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་མཚོན་ཆ་དམ་ཚིག་ཅེས་བྱ་བའི་གླུ་འདི་བླངས་སོ།། ཧཱུཾ་ལུས་ངག་ཡིད་གསུམ་རྡོ་རྗེ་ནི།། སྐུ་གསུང་ཐུགས་ཀྱི་ཡེ་ཤེས་ཏེ།། སྐུ
281b2 གསུང་ཐུགས་ཀྱི་ཡེ་ཤེས་ནི།། རྡོ་རྗེ་སེམས་དཔའ་རང་གནས་པས།། ཡེ་ཤེས་རྡོ་རྗེ་གསོར་ཞིང་སྤྲོ།། ཨེ་མའོ་རྡོ་རྗེ་ཆེ་མཆོག་ནི།། ཉིད་ཀྱི་མཚན་དུ་གསོལ་བ་ནི།། ཅིས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ
281b3 གཡོས་མ་འདྲེས་པས།། བདེ་ཆེན་མཆོག་ཏུ་གྱུར་པས་ན།། ཀུན་ཀྱང་ཕྱག་རྒྱ་བཞི་རྒྱས་གདབ།། རྒྱལ་བ་རྣམས་ཀྱི་ཐུགས་ཉིད་ལ།། རྡོ་རྗེ་འཆང་རྒྱལ་ཐམས་ཅད་ཀྱི།། རང་གི་རྟགས་སུ་བསྟན་པའི་ཕྱིར།། མི་ཕྱེད་རྡོ།
281b4 རྗེ་འཆང་ཞེས་བྱ།། ཧཱུཾ།། ཇི་ལྟར་རྒྱལ་པོ་རང་གི་རྒྱས།། རྒྱལ་པོ་གཙིགས་ལ་བཏབ་པ་ལྟར།། བདེ་ཆེན་སྙིང་ལ་གནས་པ་དང་།། དབང་ཆེན་དུས་ལ་བརྩོན་པ་ཡིས།། ཐམས་ཅད་ཀུན་ལ་དེ་ལྟར་འདེབས།། འདའ
281b5 དཀའ་ཇི་བཞིན་མི་ཤིགས་པས།། རྒྱལ་པོ་ཕྱག་རྒྱ་མཆོག་གི་གནས།། བདག་ཉིད་ཆེན་པོ་མཚན་མའི་གཟུགས།། ཧཱུཾ་ཕྱག་རྒྱ་ཞེས་ནི་བསྒྲགས་པ་ཡིན།། ཉིད་ཀྱི་ལུས་ནི་བརྟན་ཕྱིར་རོ།། རྡོ་རྗེ་རྡོ་རྗེ་དྲག་ཆེན
281b6 དང་།། རང་ཉིད་ཆེ་བའི་བདག་ཉིད་དང་།། འདུལ་བ་ཐབས་ཀྱི་རྒྱལ་པོ་ཡིས།། ཕྱེ་ཞིང་བཤིག་དང་བཅོམ་ལ་སོགས།། དཀྲུགས་ཤིང་ཐལ་བ་རྡུལ་ཕྲན་བཞིན།། བཙན་ཞིང་འབར་བའི་འཕྲོ་འདུ་འདིས།། ཐམས་ཅད
iiif viewer powered by OpenSeadragon
