| e-texts navigator |
| Wylie |
281a1 ངང་དུ་གནས།། གནས་ཉིད་མི་གནས་གནས་པའང་མིན།། དེ་སྐད་དག་མཆོག་ཉིད་ཀྱིས་བཤད།། མཐེ་བོ་མཛུབ་མོ་རྡོ་རྗེ་འཛིན།། མཐེ་བོ་གུང་མོ་རྒྱལ་བ་འཛིན།། སྲིན་ལག་མཐེ་བོ་ཆགས་པ
281a2 ཆེ།། མཐེའུ་ཆུང་མཐེ་བོ་ལེགས་པ་མཆོག། ཧཱུཾ་ཧོཿ།། མཛུབ་མོ་གཉིས་སྦྱར་རིན་ཆེན་མཆོག། གུང་མོ་གཉིས་སྦྱར་གཟི་བརྗིད་དོན།། སྲིན་ལག་གཉིས་སྦྱར་རྒྱལ་བའི་ཏོག། བཞད་པའི་སྒྲས་ནི་མཐེའུ་ཆུང་སྤྲད།། ཏྲྀ་ཏེ
281a3 རུ་ཧ། མཛུབ་མོ་སྟེང་འོག་ཆོས་ཀྱི་མཆོག། གུང་མོ་སྟེང་འོག་འཇམ་དཔལ་མཆོག། སྲིན་ལག་སྟེང་འོག་འཁོར་ལོ་མཆོག། མཐེའུ་ཆུང་སྟེང་འོག་སྒྲ་གསུང་ཡིན།། ཧྲཱིཿབྷཾ་ཊ~ཾ་ཧ~ཾ། མཛུབ་མོ་རྒྱ་གྲམ་ལས་ཀྱི་མཆོག། གུང
281a4 མོ་རྒྱ་གྲམ་བསྲུང་བར་བྱོས།། སྲིན་ལག་རྒྱ་གྲམ་གནོད་སྦྱིན་མཆོག། མཐེའུ་ཆུང་རྒྱ་གྲམ་གནས་པར་བཤད།། ཧ་ཧཱུཾ་ཨ་བྷཾ། ཕྱག་རྒྱ་བརྡ་ཚིག་ཆེན་པོ་འདིས།། སངས་རྒྱས་དཀྱིལ་འཁོར་མཛེས་པར་སྣང་།། རང
281a5 བཞིན་དཀྱིལ་འཁོར་ཕུན་སུམ་ཚོགས།། གླུ་གཉིས་ཕྱག་རྒྱ་ལྡན་པ་ཡིས།། ས་ལེར་གསལ་བའི་དཀྱིལ་འཁོར་འབེབས།། ཕྱག་རྒྱ་སྤྲོས་པ་ཆེན་པོས་ནི།། གཟུང་དང་འཛིན་པ་རྣམ་གཉིས་པ།། དག་པར་གསལ་བས
281a6 ཕྱག་རྒྱ་ཡིན།། ཡི་གེ་སོ་སོ་གསལ་བ་ཡིས།། གར་དུ་བསྒྱུར་བས་མྱ་ངན་འདས།། ཛཿདང་ཧོཿལ་སོགས་པ་ཡིས།། གར་དུ་བསྒྱུར་བས་རྡོ་རྗེར་འཆིང་།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཕྱག་རྒྱ་སྤྲོས་པའི
iiif viewer powered by OpenSeadragon
