| e-texts navigator |
| Wylie |
280b1 ཏེ།། མདོར་བསྡུས་ཕྱག་རྒྱ་དྲུག་ཡིན་ནོ།། གསེག་པར་དང་ནི་པི་བང་དང་།། གོ་ཆ་པོ་ཏི་རིན་ཆེན་སྒྲོམ།། མེ་དང་ཆུ་རུ་རབ་ཏུ་བསྟན།། ཡུམ་ནི་གཉིས་མེད་ཆོས་ཀྱི་དབྱིངས།། ཀུན་བཟང་མཉམ་བཞག་ཡེ་ཤེས
280b2 འཕྲོ།། ཡུམ་འགྱུར་མཉམ་རྫོགས་པདྨའི་དཀྱིལ།། གཞན་ཡང་ཕྱག་རྒྱ་སྣ་ཚོགས་ཏེ།། ཡང་ན་དེ་བཞིན་གཤེགས་ཉིད་དེ།། ཡང་ན་རྡོ་རྗེ་ཐལ་མོ་ཉིད།། ཕྱག་རྒྱ་ཆེན་པོ་ཚོགས་མཆོག་ནི།། ཐབས་དང་ཤེས་རབ་ལྡན
280b3 འབྱོར་ན།། མ་བསྐྱོད་མ་བསྐུལ་ཐམས་ཅད་ཀུན།། ཕྱག་རྒྱ་ཆེན་པོའི་ངང་དུ་གནས།། ཡན་ལག་བཞི་བཅུ་རྩ་གཉིས་ལྡན།། དེ་ཉིད་ཡན་ལག་སྤྲོས་བདག་སྟེ།། བཞི་བཅུ་རྩ་གཉིས་སུམ་འཕྲོར་འབར།། དེ་ལྟར་ལྡན
280b4 པའི་གཙོ་མཆོག་གིས།། རྒྱལ་བ་རྒྱ་མཆོག་དེ་བཞིན་དུ།། བཅུ་གཉིས་དྲུག་གི་འོད་འཕྲོ་འབར།། དེ་ལ་སོགས་ཏེ་བསམ་མི་ཁྱབ།། ཕྱོགས་བཅུ་དུས་བཞི་བསམ་ཡས་སུ།། འདུལ་བའི་དོན་རྣམས་སོ་སོར་སྟོན།། ཐེག
280b5 པ་མཐོ་དམན་ཐམས་ཅད་དང་།། ཕྱིན་ཅི་ལོག་རྣམས་བསམ་ཡས་དང་།། ཞི་ཁྲོ་ཚོགས་ཆེན་ཐམས་ཅད་ལ།། སོ་སོར་མཐུན་བྱས་ཀུན་ཏུ་སྣང་།། དཔེར་ན་གར་མཁན་ཉིད་འདྲ་བ།། ལུས་ལས་མ་དགོད་སྣ་ཚོགས
280b6 སྟོན།། མདོར་ན་ཕྱག་རྒྱ་ཐམས་ཅད་ནི།། འདི་ཞེས་གཅིག་ཅེས་བརྗོད་དུ་མེད།། གཉིས་དང་གསུམ་དུ་རྣམ་པར་འཕྲོ།། བསྐྱོད་དང་སྤྲོ་བ་དེ་བཞིན་ཉིད།། མདོར་ན་བསྐྱོད་འགུལ་ཐམས་ཅད་ཀུན།། ཕྱག་རྒྱ་ཆེན་པོའི
iiif viewer powered by OpenSeadragon
