| e-texts navigator |
| Wylie |
27a1 པའི་ཡོ་བྱད་ལྔ།། མ་ཉམས་གསལ་བར་རབ་སྤྱད་ན།། བདག་གཞན་ཇི་སྙེད་སྣང་བ་རྣམས།། མ་ལུས་དག་པའི་ངོ་བོར་འགྱུར།། དེ་ཚེ་ལས་ཀྱི་གཟུངས་མ་བཞི།། རིག་པའི་རྩལ་ལས་གྲུབ་པ
27a2 སྟེ།། གནས་སྐབས་རིམ་པར་སྦྱོར་བ་ཡི།། ལྷུན་གྲུབ་ཉིད་ལ་ཐེ་ཚོམ་མེད།། བསྙེན་དང་ཉེ་བསྙེན་སྒྲུབ་པ་དང་།། སྒྲུབ་པ་ཆེན་པོའི་རིམ་པ་ཡི།། སྦྱོར་བ་བཞི་ནི་བརྩམ་པར་བྱ།། བདེ་ཆེན་ཐུགས་ཀྱི་དཀྱིལ་འཁོར
27a3 གྱིས།། རྒྱལ་བའི་དཀྱིལ་འཁོར་མ་ལུས་པ།། དགྱེས་མཉམ་ཐིམ་པའི་རོ་ལྡན་པ།། ཐབས་དང་ལྡན་པས་བླངས་སྤྱད་པས།། གང་འདོད་འབྲས་བུ་ཕུན་སུམ་ཚོགས།། བདག་གཞན་ཕྱི་ནང་ལས་བྱུང་བའི།། མ་ལུས
27a4 བསྒྲལ་བྱ་ཐམས་ཅད་ནི།། སོ་སོ་བྱ་བ་ཀུན་སྣང་ཡང་།། ཀུན་གྱི་རང་བཞིན་དེ་བཞིན་ཉིད།། བདག་ཉིད་གསལ་བར་མངོན་བསྒོམས་ཏེ།། ཏིང་འཛིན་ཐབས་ཀྱིས་མངོན་བསྒྲལ་ཏེ།། འཇིགས་པ་ཆེན་པོའི་ས་ཐོབ
27a5 །། བརྟུལ་ཞུགས་མཉམ་པའི་ཐབས་ཀྱིས་ནི།། བདེ་ཆེན་མ་སྐྱེས་སྲས་སུ་བརླབ།། ཀུན་བཟང་ཐུགས་དང་གཉིས་སུ་མེད།། ཕྱི་ནང་གསང་བའི་རང་བཞིན་གྱིས།། སྣོད་བཅུད་རྒྱུད་རྣམས་དག་པ་ནི།། བདེ་བ་ཆེན
27a6 པོའི་ཞིང་ཁམས་ཉིད།། མ་ལུས་དག་པ་ཉིད་དུ་གསལ།། སྐུ་གསུང་ཐུགས་ལ་རབ་གནས་ཤིང་།། ཆོ་ག་རྫོགས་པར་ཤེས་པ་ཡི།། གནས་དང་ལོངས་སྤྱོད་ཅི་འཚམས་པར།། བདེ་བ་ཆེན་པོ་ཕོངས་མེད
iiif viewer powered by OpenSeadragon
