| e-texts navigator |
| Wylie |
278b1 དུ་བརྗོད་པ་འདི་བརྗོད་དོ།། ཡང་དག་དོན་གྱི་གསང་མཆོག་ནི།། བདེ་བ་ཐུགས་ཀྱི་དཀྱིལ་འཁོར་ལ།། ངེས་པའི་དོན་ཆེན་བཞི་བཅུ་གཉིས།། ཡིད་བཞིན་རིན་ཆེན་གསལ་འབར་ཐིམ།། ཐམས་ཅད་མ་ལུས་ཐིག
278b2 ལེའི་དབྱིངས།། སྐུ་ལྔའི་འོད་ཟེར་མང་པོ་ཀུན།། ཐམས་ཅད་ཡུམ་འགྱུར་དབྱིངས་སུ་ཐིམ།། གསལ་འབར་སྤྲིན་གྱི་བདག་པོར་འགྱུར།། བྱང་ཆུབ་སེམས་ཀྱི་ཐིགས་པ་ནི།། ཀུན་ལ་ཁྱབ་ཅིང་མི་གནས་པ།། ཁ་དོག
278b3 གནས་དང་དབྱིབས་མ་ཡིན།། ཡོན་ཏན་མཆོག་གི་སྙིང་པོ་ནི།། རྟོག་གེ་སྤྱོད་ཡུལ་ཡོད་མ་ཡིན།། ཟབ་ཅིང་རྒྱ་ཆེན་རབ་སྤངས་པའི།། གསལ་ལྡན་བརྟན་པའི་སྤྱོད་ཡུལ་ཏེ།། གཞན་ནས་བཙལ་ཞིང་བརྟག་ཏུ
278b4 མེད།། ཐམས་ཅད་ནམ་མཁའི་མཚན་ཉིད་དེ།། སྣ་ཚོགས་འཇིག་རྟེན་བརྟན་གཡོ་དང་།། རྒྱལ་བ་མངོན་བྱུང་ཐམས་ཅད་ཀུན།། ནམ་མཁའི་དབྱིངས་སུ་མ་གྱུར་པ།། དུས་བཞི་ཕྱོགས་བཅུ་གང་ན་མེད།། དུས་གསུམ
278b5 བདེ་གཤེགས་ཉིད་ཀྱི་མངའ།། སྔོན་གྱི་བདེ་གཤེགས་ཐུགས་ཆུད་པའི།། ནམ་མཁའི་དབྱིངས་སུ་ཐམས་ཅད་ཐིམ།། ཐམས་ཅད་ཤེས་རབ་དབྱིངས་ཉིད་དེ།། དབྱིངས་ལ་དབྱིངས་ནི་རྣམ་པར་སྦྱོར།། ཤེས་རབ
278b6 དབྱིངས་ཉིད་འབྱོར་པ་ཡིས།། བྱང་ཆུབ་རྡོ་རྗེ་ཐིག་ལེ་ཡིན།། དཀྱིལ་འཁོར་གཞལ་ཡས་ལྷུན་གྲུབ་དང་།། རྒྱ་དང་བྲལ་བའི་བསམ་ཡས་ཀྱིས།། ཀུན་ལ་ཁྱབ་ཅིང་མི་གནས་པ།། ཡོན་ཏན་མཆོག་གི་གནས་ཡིན
iiif viewer powered by OpenSeadragon
