| e-texts navigator |
| Wylie |
275b1 འཁོར་གྱི་གཙོས་བཀུར་དབང་ཕྱུག་དང་།། གཞན་དང་འཇིག་རྟེན་ཕྱོགས་བཅུ་ཁམས་གནས་པ།། བདུད་རྩི་རོ་ཡིས་དགའ་བ་བདེ་ཆེན་འགྲུབ།། དུག་གསུམ་དྲི་བྲལ་བདུད་སྡེ་ཚར་བཅད་པའི།། འདས་དང་མ་བྱོན་དེ
275b2 བཞིན་ཉིད་དུ་སྦྱོར།། ཤེས་རབ་ཐབས་ལྡན་ངེས་པའི་དོན་ཕྱུང་བ།། རིག་པའི་ཐབས་ཆེན་དབང་སྐུར་ཉིད་དུ་བསྒོམ།། སྟོང་སྨོན་མཚན་མེད་རང་བཞིན་འོད་གསལ་བའི།། ཟད་མེད་བསོད་ནམས་ཚོགས་ཀྱིས་བརྒྱན
275b3 པར་འགྱུར།། བྷྲཱུཾ། རང་བྱུང་ཉི་ཟླ་པདྨ་རིན་ཆེན་རྒྱས་ལ་བཞུགས།། རྡོ་རྗེ་མཉམ་ཉིད་ཐུགས་སུ་ཆུད་པ་ཡི།། མཉམ་རྫོགས་ཆེན་པོ་ལྷུན་ལ་རོལ་པ་མཛད།། བདེ་གཤེགས་དབྱིངས་ཉིད་དེ་བཞིན་ཉིད་གནས
275b4 པ།། དུས་བཞི་རྒྱལ་བ་ཀུན་དང་མཉམ་པར་འུབ།། ཐམས་ཅད་འོད་གསལ་དཀྱིལ་འཁོར་ཐུགས་ཆུད་པའི།། སྐུ་གསུང་ཐུགས་ཀྱི་རྡོ་རྗེ་འཆང་ལས་འབྱུང་།། སྤྱོད་ཡུལ་འཕྲོག་མེད་བརྗོད་ཀྱིས་མི་ལང་བའི།། དུས
275b5 བཞི་མཉམ་ཉིད་ངེས་པའི་དོན་ཉིད་ཉོན།། ཐུགས་རྗེ་དབང་གིས་འགྲོ་དྲུག་དུས་གནས་བཞུགས།། ང་དང་བདག་མེད་མཉམ་པའི་དབྱིངས་མཁྱེན་པ།། མཉམ་པའི་དོན་གྲུབ་རྡོ་རྗེ་ཅན་གྱིས་བྱ།། རྣམ་པར་རྟོག་མེད
275b6 བྱང་ཆུབ་རྡོ་རྗེ་ཅན་གྱི་སྐུ།། ཤེས་རབ་མཆོག་གིས་མ་ལུས་ཡོངས་བསྡུས་པ།། བདེ་གཤེགས་མི་གནས་མཉམ་ཉིད་ངང་དུ་བྱོན།། ཐབས་ཆེན་མ་འདྲེས་རྣམ་པར་སྦས་པ་ཡི།། དམིགས་མེད་བདེ་གཤེགས་ཉིད
iiif viewer powered by OpenSeadragon
