| e-texts navigator |
| Wylie |
273a1 ཁྱབ།། རང་སྣང་བ་ཡི་ཐབས་ལས་འབྱུང་།། བསོད་ནམས་ཡེ་ཤེས་ཚོགས་རྫོགས་པའི།། ཐུགས་རྗེ་རྒྱས་པའི་གཞལ་ཡས་ཁང་།། དབུས་མཐའ་མེད་པར་རྒྱས་པར་གནས།། སྟོང་སྨོན་མཚན་མེད་འོད
273a2 གསལ་འཇུག། དེ་ཕྱིར་ཡེ་ཤེས་སྒོ་བཞིར་བཤད།། དེར་འགྲོ་ལམ་སྟེགས་བརྒྱད་དང་ལྡན།། རང་བཞིན་ཡེ་ནས་འོད་གསལ་ཕྱིར།། ཉི་ཟླ་བརྩེགས་པའི་གདན་ཁྲི་འབར།། ཡེ་ནས་རྣམ་པར་དག་པའི་ཕྱིར།། མ
273a3 ཆགས་པདྨོ་འབར་བའི་གདན།། ཟད་མེད་ཡེ་ཤེས་གཏེར་གྱུར་པས།། ཡིད་བཞིན་རིན་ཆེན་འབར་བའི་གདན།། ཡེ་ནས་མཉམ་ཉིད་མི་འདའི་ཕྱིར།། ཏ་ལའི་ལྗོན་ཤིང་རང་བཞིན་གནས།། རེ་བ་ཡིད་བཞིན་སྐོང
273a4 བའི་ཕྱིར།། དཔག་བསམ་ཤིང་གི་རིན་ཆེན་འབར།། ཡིད་བཞིན་རིན་ཆེན་རྒྱན་གྱིས་བསྐོར།། ཐམས་ཅད་ལ་ནི་དབང་སྦུར་ཕྱིར།། འཇིག་རྟེན་ལྷ་ཆེན་རྣམས་ཀྱིས་བསྐོར།། གསང་བ་དེ་ཉིད་ངེས་པ་ལས།། འཕྲུལ
273a5 ཆེན་བཞི་བཅུ་རྩ་གཉིས་ཀྱིས།། ཐམས་ཅད་ལྷ་ཉིད་རྟག་ཏུ་སྦྱོར།། ཐམས་ཅད་མ་ལུས་དཀྱིལ་འཁོར་མཆོག། འདི་ནི་རང་བཞིན་དཀྱིལ་འཁོར་དང་།། གཟུགས་བརྙན་ལྷག་པའི་དཀྱིལ་འཁོར་གསུམ།། ཏིང་འཛིན
273a6 ལྷག་པའི་དཀྱིལ་འཁོར་དག། བྱང་ཆུབ་སེམས་དང་ཚོགས་མཆོག་བརྟེན།། ཞེས་ཉིད་ལ་ཉིད་བཤད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་ཏུ་གསང་བའི་དཀྱིལ་འཁོར་བསྡུས་ནས། ལྷག་པའི
iiif viewer powered by OpenSeadragon
