| e-texts navigator |
| Wylie |
272b1 བཅས་པས།། འཇིགས་མེད་དབྱིངས་ཉིད་ཀུན་བཟང་ཕྱག་རྒྱ་མཆོག། རང་བཞིན་སྐུ་གསུང་ཐུགས་ཆེན་པོ།། བྱང་ཆུབ་ལྷུན་གྲུབ་བདལ་བའི་ངང་།། སྙིང་པོ་ཉིད་ནི་སྙིང་པོར་ཀུན་བཅས་ཀུན་ཏུ་གནས།། དེ་ཉིད
272b2 རྫོགས་པའི་ངང་ལས་དངོས་གྲུབ་ཀུན་ཤར་ཀུན་ཏུ་གནས།། ཨ་ཧོ་རྡོ་རྗེ་གསང་བའི་ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་སྒྲུབ་པའི་ལེའུ་སྟེ་བརྒྱད་པའོ།། །། དེ་ནས་དེ་བཞིན
272b3 གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་རང་བཞིན་གྱི་དཀྱིལ་འཁོར་ལས་ལྷག་པའི་དཀྱིལ་འཁོར་གྱིས་སྔགས་འཆང་རྣམས་ལྷར་སྒྲུབ་པའི་དཀྱིལ་འཁོར་འདི་དོན་ཡོད་པར་བྱ་བའི་ཕྱིར་ཆེད་དུ་བརྗོད་པ་འདི
272b4 བརྗོད་དོ།། ཨེ་མའོ་ཡེ་ནས་རྣམ་དག་པའི།། ཐབས་དང་ཤེས་རབ་ལྡན་པར་གནས།། བྱང་ཆུབ་མཆོག་ཏུ་ཉི་ཟླ་ཤར།། དེ་ཉིད་བཞུགས་གནས་ཡིན་པར་གསུངས།། ཆོས་རྣམས་ཐམས་ཅད་བདག་མེད
272b5 པའི།། དབྱིངས་སུ་ཐིམ་པའི་འོད་ཟེར་གསལ།། གཅིག་དང་སྤྲོས་པ་ཐམས་ཅད་མེད།། དཀྱིལ་འཁོར་སྤྲོས་མེད་ཟླུམ་པོའི་ཚུལ།། ཡེ་ནས་མྱ་ངན་འདས་པའི་ཆོས།། ཡེ་ཤེས་རྒྱུ་དང་འབྲས་བུ་ལྡན།། ཐམས་ཅད
272b6 མཁྱེན་པའི་ཡེ་ཤེས་སྐུ།། ཆོས་ཀྱི་འཁོར་ལོ་ཡོངས་ཀྱིས་བསྐོར།། ཐུགས་རྗེ་བྱིན་བརླབས་འཕྲོས་པ་ཡིས།། ཡེ་ཤེས་བཞི་ཡི་དཀྱིལ་འཁོར་སྤྲོ།། ཡེ་ཤེས་ལྔ་དང་སྐུ་གསུང་ཐུགས།། བྱིན་བརླབས་ཡ་མཚན་བསམ་མི
iiif viewer powered by OpenSeadragon
