| e-texts navigator |
| Wylie |
271b1 པར་དབྱིངས་སུ་བཀོད་པའི་ལེའུ་སྟེ་བདུན་པའོ།། །། དེ་ནས་ཡི་གེའི་དཀྱིལ་འཁོར་གྱི་སྤྲིན་བཀོད་པ་ལས་སྒྱུ་འཕྲུལ་རྣམ་པར་སྤྲོས་པ་འདི་ཆེད་དུ་བརྗོད་དོ།། རྩ་བ་མེད་པའི་སེམས་ཉིད་ནི།། ཆོས་རྣམས་ཀུན
271b2 གྱི་རྩ་བ་ཡིན།། སེམས་ཉིད་ཡི་གེའི་རང་བཞིན་ཏེ།། ཡི་གེ་ཡིད་བཞིན་རིན་ཆེན་སྤྲིན།། སྒྱུ་འཕྲུལ་དཀྱིལ་འཁོར་བཞི་བཅུ་གཉིས།། དྲ་བའི་དཀྱིལ་འཁོར་མངོན་རྫོགས་པས།། ཕྱོགས་བཅུ་དུས་བཞི་རྫོགས་པ
271b3 ཡི།། དཀྱིལ་འཁོར་ཐམས་ཅད་གྲུབ་པར་འགྱུར།། བདུད་རྩིར་འགྱུར་ཞིང་འབྱུང་བ་དང་།། བཞི་བརྒྱ་རྩ་བཞི་ནད་སེལ་ཅིང་།། ལོངས་སྤྱོད་འབྱུང་ཞིང་ངན་སོང་སྦྱོང་།། ཅི་ཡང་གཞན་དུ་འགྱུར་བར་འགྲུབ།། ནམ
271b4 མཁའ་རྡོ་རྗེ་སྲ་འབྱུང་ཞིང་།། འབར་ནས་མེ་ཡང་འཚིག་པ་དང་།། ཆུར་འགྱུར་འབབ་པའང་དེ་བཞིན་ཏེ།། འཇིག་རྟེན་ཁམས་ནི་གཏོར་བ་དང་།། ཐམས་ཅད་སྟོངས་ཤིང་ལྷུང་བར་འགྱུར།། དགུག་དང་བཏང་དང
271b5 བཅིང་དང་དགྲོལ།། གསོ་དང་བསད་དང་ཕམ་དང་རྒྱལ།། ཏིང་འཛིན་འདི་ཡིས་བྱེད་པར་འགྱུར།། དེ་ཉིད་ཡེ་ཤེས་རང་སྣང་བའི།། མིང་ཚིག་གཟུགས་ཚོགས་ཡིད་བཞིན་གྱིས།། མུན་ལ་སྣང་བྱུང་ཇི་བཞིན
271b6 དུ། འགྱུར་བས་གསེར་འགྱུར་སྨན་གྱི་ཚུལ།། སྟོན་པ་མཆོད་བརྩོན་རྟོགས་པ་གསལ།། དམ་ཚིག་སྔགས་དང་ཕྱག་རྒྱ་རྣམས།། མ་ཉམས་ཤེས་ཤིང་ཡོ་བྱད་ལྡན།། འགྲུབ་འགྱུར་མི་ལྡན་དོན་མེད་བརླག། དུས་གསུམ
iiif viewer powered by OpenSeadragon
