| e-texts navigator |
| Wylie |
271a1 ཨ་ལ་ལ་ཧོ།། དེ་བཞིན་ཉིད་ཀྱི་གསང་མཆོག་ལས།། ཁམས་ནི་ཉི་ཤུ་རྩ་གཅིག་སྟེ།། བཅཝ་བརྒྱད་པོ་ནི་རྒྱུད་གཞན་བཞིན།། གསུམ་ནི་དེ་བཞིན་ཀུན་གྱི་བདག། བཅཝ་བརྒྱད་འབྱུང་བའི་གནས་ཡིན
271a2 ཏེ།། བྱང་ཆུབ་འགྲུབ་པའི་ཞིང་ཡང་ཡིན།། བདེ་བ་འབྱིན་པའི་རྒྱུ་ཡང་ཡིན།། གསང་བའི་མཚན་ཉིད་བརྗོད་པ་ནི།། དབང་པོ་རྡོ་རྗེ་གསང་བའི་རྒྱལ།། ཡུལ་ནི་པདྨ་བདེ་མཆོག་དབྱིངས།། སེམས་ནི་བྱང་ཆུབ་འབྱུང
271a3 བའི་གཏེར།། དབང་པོ་ཡུལ་སེམས་ལྡན་གྱུར་ནས།། གསང་བ་མཆོག་གི་འཕྲུལ་ཆེན་སྤྲོ།། དཀྱིལ་འཁོར་རྡུལ་སྙེད་གྲངས་མེད་དང་།། ཕུན་སུམ་ཚོགས་པའི་ལྷུན་གྲུབ་རྣམས།། གསང་བ་མཆོག་གིས་འབྱིན་པར
271a4 བྱེད།། འདི་ནི་རྩེ་གཅིག་ཡིན་པར་གསུངས།། གསང་བའི་དོན་མཆོག་འདི་དག་ནི།། ལྟ་བ་དམན་ལ་བཤད་བྱས་ན།། དུས་མིན་པར་ནི་སྲོག་ཟད་ནས།། མགོ་འགས་སྙིང་ཡང་ཚིག་པར་འགྱུར།། ཁབ་ལེན་གྱིས་ནི
271a5 ལྕགས་སྡུད་ལྟར།། མི་འདོད་བཞིན་དུ་དབང་མེད་པར།། ངན་སོང་མི་ཁོམ་བསྐལ་པར་བརྒྱུད་པར་འགྱུར།། དེ་བས་འདི་ནི་ཤིན་ཏུ་གསང་བར་བྱ།། ཤེས་རབ་རྒྱ་ཆེན་བློ་ཟབ་ཡངས་པ་ཡིས།། བློ་བརྟན་སྙིང་རྗེ་ཆེ
271a6 དང་དད་ལྡན་ངང་ཚུལ་བཟང་ལ་བརྟན།། གཞན་དུ་ནམས་ཀྱང་སྦྱིན་མི་བྱ་ཞེས་ཉིད་ལ་ཡང་ཉིད་བརྗོད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁམས་ཉི་ཤུ་རྩ་གཅིག་ཏུ་བསྡུས་ནས།། ཐམས་ཅད་མ་ལུས
iiif viewer powered by OpenSeadragon
