| e-texts navigator |
| Wylie |
26b1 དཀྱིལ་འཁོར་རང་སྣང་བ།། སྐྱེ་དང་མ་སྐྱེས་དབྱེར་མེད་པས།། ཡིག་འབྲུའི་ཚུལ་དང་ངེས་པར་བརྗོད།། གང་དུ་ཐབས་ཀྱིས་བྱིན་གྱིས་བརླབས།། གནས་དང་རྟོགས་པའི་ངོ་བོ་ཡིས།། རིམ་པའི་ཚུལ་གྱིས་བྱིན
26b2 བརླབས་པའི།། འདི་དག་བྱིན་གྱིས་བརླབས་ཉིད་དེ།། གསང་བ་དེ་ཉིད་ངེས་པ་ཡི།། རིག་པའི་ཕྱག་རྒྱ་མངོན་གསལ་བས།། སྒྲོ་དང་སྐུར་པ་ཞི་བ་ཡི།། དེ་ཁོ་ན་ཉིད་མངོན་དུ་སྣང་།། ཐབས་དང་ཤེས་རབ་དབྱེར་མེད
26b3 པའི།། བདེ་བ་ཆེན་པོའི་རོ་ཉིད་ནི།། མ་ལུས་འདུས་པའི་རང་བཞིན་ཏེ།། གཉིས་མེད་གཉིས་ལས་གང་གྱུར་པ།། དེ་ཉིད་ཐིག་ལེའི་བདག་ཉིད་དོ།། སྒྲ་དབྱངས་གསུང་གི་བསྟན་པ་རྣམས།། གནས་བཞི་ཐིག་ལེའི
26b4 བྱང་ཆུབ་སེམས།། ཐབས་དང་ཤེས་རབ་གཉིས་མེད་པས།། མི་ཟད་འཁོར་ལོ་གསུམ་དུ་སྣང་།། གནས་དང་ཐབས་དང་སྦྱར་བ་ཡང་།། གསང་བའི་བྱིན་རླབས་རང་སྣང་བ།། ཐམས་ཅད་བདེ་བ་ཆེན་པོ་སྟེ།། དེ་ཡི
26b5 བྱིན་རླབས་ཉིད་སྣང་ངོ་།། སྒྲོ་སྐུར་མེད་པའི་བསྟན་པ་ཉིད།། བདེ་ཆེན་རླུང་གི་སྦྱོར་ཐབས་ཀྱིས།། སྣང་སྲིད་ཕྱི་ནང་ཆོས་རྣམས་ཀུན།། བདེ་ཆེན་སྒྱུ་མར་མངོན་སུམ་སྣང་།། ཐབས་དང་ཤེས་རབ་གཉིས་མེད
26b6 པའི།། ཡུལ་དང་དབང་པོ་རྣམ་ཤེས་དང་།། དུས་དང་མཚན་མར་བཅས་པ་ཡི།། འདུལ་ཐབས་ཉིད་ཀྱི་རང་བཞིན་གྱིས།། ཐམས་ཅད་རང་གི་ཐབས་བཞིན་དུ།། བདེ་བ་ཆེན་པོའི་དཀྱིལ་འཁོར་སྣང་།། དེ་ཉིད་སྒྲུབ
iiif viewer powered by OpenSeadragon
