| e-texts navigator |
| Wylie |
268b1 གྱུར་ཏོ།། དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ།། ཨ་ནི་སྟོང་དང་མི་སྟོང་གི། དབུ་མ་དམིགས་སུ་ཡོད་མ་ཡིན།། ཐམས་ཅད་མིང་ཙམ་སངས་རྒྱས་ཀུན།། ཡི་གེ་ཕྲེང་བ་ཉིད་ལ
268b2 གནས།། ཨ་ཉིད་སྣ་ཚོགས་པར་སྣང་བའི།། ཀ་ལ་སོགས་པ་བཞི་བཅུ་གཉིས།། སྒྲ་ཡི་མིང་གིས་ཐམས་ཅད་བསྡུས།། མངོན་རྫོགས་རྒྱལ་པོར་དེ་ཉིད་ངེས།། ཨེ་མའོ་ངོ་མཚར་ཡ་མཚན་གྱི།། འཕྲུལ་ཆེན་བཞི་བཅུ་རྩ
268b3 ལྔའི་མིང་།། ཚིག་རྣམས་མ་ལུས་འཛིན་པའི་གནས།། སྣ་ཚོགས་དོན་ཀུན་སྨྲ་ཞིང་སྟོན།། དངོས་མེད་ཡི་གེ་རང་བཞིན་སེམས།། བདག་མེད་མཐའ་བྲལ་མི་དམིགས་ཀྱང་།། དབྱིབས་དང་ཁ་དོག་མིང་ཚོགས
268b4 ཀྱིས།། རོལ་པ་ཅིར་ཡང་སྤྲུལ་ཅིང་སྟོན།། ཕྱོགས་བཅུ་དུས་བཞི་གཤེགས་པ་ཡི།། ཡེ་ཤེས་སེམས་དཔའི་སྐུ་གསུང་ཐུགས།། དཀྱིལ་འཁོར་བཞི་བཅུ་རྩ་ལྔ་ཡི།། ཡི་གེ་མགོ་ནས་ཀྵ་ལ་རྫོགས།། སེམས་ནི་རང་བཞིན
268b5 ཡི་གེ་སྟེ།། ཡི་གེ་དངོས་པོ་ཡོད་མ་ཡིན།། དམིགས་མེད་དེ་ཉིད་སྣ་ཚོགས་པའི།། སྐུ་གསུང་ཐུགས་ཀྱི་འཁོར་ལོ་ཆེ།། སྐུ་གསུང་ཐུགས་ནི་ངོ་མཚར་གྱི།། ཡ་མཚན་འཕྲུལ་ཆེན་རབ་འགུགས་པ།། དབྱིངས་ལ་དབྱིངས
268b6 ཀྱིས་བྲིས་པ་སྟེ།། ཡི་གེ་ཞེས་ནི་དེ་ཕྱིར་བརྗོད།། མགོ་ནི་མ་ནོར་ལམ་ཡིན་ཏེ།། ཚིག་ནི་ཤེས་རབ་མིང་དུ་སྨྲས།། ཤད་ནི་ཐབས་ཆེན་ཚིགས་སུ་གཅོད།། ཨ་ནི་སྐྱེ་མེད་དེ་བཞིན་ཉིད།། ཋ་ནི་སྒྱུ་འཕྲུལ་རྡོ་རྗེ་ཉིད།། ཊ
iiif viewer powered by OpenSeadragon
