| e-texts navigator |
| Wylie |
265b1 ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞི་གསུངས་སོ།། གསུང་ངོ་།། གསུང་བར་འགྱུར་རོ།། དེ་དག་ཐམས་ཅད་ཀྱང་གཟུང་བ་དང་འཛིན་པའི་ཕྱི་ནང་གི་རྟེན་ཅིང་འབྲེལ་པར་འབྱུང་བ་འཛིན་པ་འཁྲུལ་པ་ལ་དགོས་པ
265b2 དང་། ལས་དང་ལས་ཀྱི་འབྲས་བུ་ཆུད་མི་ཟ་བ་དང་། ལས་དང་ལས་ཀྱི་འབྲས་བུས་མི་གོས་གོས་པར་མི་འགྱུར་བ་དང་། གོས་པ་མེད་པའི་སྟོན་པའི་མཐར་ཐུག་གོ། དེ་ནས་དེ་བཞིན་གཤེགས་པ་ཐམས་ཅད་ཀྱིས།
265b3 འཁོར་བའི་སྐྱོན་དང་། མྱ་ངན་ལས་འདས་པའི་ཡོན་ཏན་བསྟན་པའི་ཕྱིར་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ།། ཨེ་མའོ་དཀྱིལ་འཁོར་བསམ་ཡས་པར།། སྙིང་པོ་བླ་མེད་ཇི་སྙེད
265b4 པའི།། གཞན་གྱིས་མི་འཕྲོགས་རང་བཞིན་རྒྱལ།། མཐའ་དང་བྲལ་བས་བདག་མེད་པའོ།། དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ།། ཨེ་མའོ་ཇི་སྙེད་འཇིག་རྟེན་འཁྲུལ་པའི
265b5 ཆོས།། མ་རིག་རྟོག་པའི་གཟུང་འཛིན་གྱིས།། སྟོང་གི་འཇིག་རྟེན་བསམ་ཡས་པར།། ཕྱི་ནང་རྟེན་འབྲེལ་གཉིས་སུ་འཁོར།། རྟོག་པའི་བག་ཆགས་སྟུག་པོ་ཡིན།། མི་མཐུན་བདེ་སྡུག་མྱོང་བར་འགྱུར།། དེ་ཉིད་ཇི
265b6 བཞིན་དབྱིངས་ཉིད་དང་།། རང་བཞིན་བདག་མེད་ཚུལ་གཅིག་སྟེ།། རང་བཞིན་ཉིད་ལ་ཉམས་པ་མེད།། ཡང་དག་སྒྱུ་མའི་ཚུལ་གཉིས་སུ།། བདག་དང་བདག་གི་གཞན་མེད་དེ།། དེ་ཉིད་ངོ་བོ་ཉིད་དབྱིངས
iiif viewer powered by OpenSeadragon
