| e-texts navigator |
| Wylie |
263a1 བཞི་ལ།། ཕྱག་རྒྱ་བཞི་དང་ཡང་དག་ལྡན།། དབང་དང་སྐལ་མིན་གསལ་བའི་ཕྱིར།། ནང་དང་ཕྱི་རིམ་ལྕགས་དང་ལྡན།། རྒྱལ་བ་ཡོངས་ཀྱི་སྦས་པ་ཡི།། སུས་ཀྱང་གཏིང་དཔག་དཀའ་བ་དེ།། ཀུན་ཏུ
263a2 བཟང་པོ་ཉིད་ཀྱིས་གཟིགས།། ཞེས་བརྗོད་པས་བཙུན་མོ་བྱ་བ་མོ་ཆོས་ཀུན་ཏུ་བཟང་མོ་ལ་འཇུག་པར་གྱུར་ཏོ།། ཞུགས་ནས་བཙུན་མོ་བྱ་བ་མོ་ཆོས་ཀུན་ཏུ་བཟང་མོས་བཅོམ་ལྡན་འདས་ཡིད་ཀུན་ཏུ་བཟང་པོ
263a3 དང་།། གཉིས་སུ་མེད་པའི་ལོངས་སྤྱོད་བདེ་བ་ལ་མཉམ་པར་གནས་ཏེ་ཆེད་དུ་བརྗོད་པ་བརྗོད་དོ།། སེམས་ཀྱི་སེམས་ཉིད་བྱེད་པའི་གཙོ།། ཀུན་ཏུ་བཟང་པོ་རྡོ་རྗེ་ཡིད།། ཡེ་ཤེས་དྲུག་གི་རང་བཞིན་ཏེ།། ཤར
263a4 ཕྱོགས་མངོན་དགའི་བསམ་ཡས་ན།། ནཱི་ལ་ལྟ་བུའི་གཏེར་འབྱིན་པ།། གསང་འདུས་འཕྲུལ་གྱི་ལྡེག་མིག་གིས།། རྣམ་པར་ཐར་པའི་སྒོ་ཕྱེ་ནས།། བྱང་ཆུབ་མཆོག་གིས་ནང་གཏན་དགྲོལ།། མཉམ་སྦྱོར་པདྨའི་གདན
263a5 ལ་བཞུགས།། འགྲོ་དོན་བྱང་ཆུབ་སེམས་བསྐྱེད་ནས།། འགྲོ་ལྔ་སྐྱེ་བཞི་དབང་དུ་བསྡུས།། སྐུ་གསུང་ཐུགས་གནས་དབང་བསྐུར་ཏོ།། ཞེས་བརྗོད་པས་ཐམས་ཅད་མཉམ་པ་ཆེན་པོའི་ཚུལ་རྡོ་རྗེ་ཉིད་དུ་གསལ་བར
263a6 གྱུར་ཏོ།། ཞུགས་པས་ཕྱོགས་བཅུའི་དེ་བཞིན་གཤེགས་པ་མ་ལུས་པ་ཐམས་ཅད་གཅིག་གི་རང་བཞིན་དབྱེར་མེད་པའི་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ།། ཨེ
iiif viewer powered by OpenSeadragon
