| e-texts navigator |
| Wylie |
25b1 ཉིད་ཀྱིས་འགྲུབ།། ལས་དང་སྐལ་བ་དམན་པ་དང་།། བླ་མ་ཐབས་ལ་རྒྱབ་ཀྱིས་ཕྱོགས།། ལོག་པའི་སྐྱེ་བོའི་དབང་སོང་བའི།། གང་ཟག་འདི་དག་རྣམ་པར་སྤངས།། ཐབས་དང་ལྡན་པའི་རྣལ་འབྱོར་གྱིས།། མི་སྤྱད
25b2 པ་ནི་གང་ཡང་མེད།། མི་བྱ་བ་ཡང་ཡོད་མིན་ཏེ།། བཟའ་དང་མི་བཟའ་ཅུང་ཟད་མེད།། འདི་ལ་སྡོམ་དང་མི་སྡོམ་མེད།། ཐམས་ཅད་མཉམ་པ་ཉིད་སྦྱོར་བས།། བྱ་དང་མི་བྱ་ཀུན་ལས་འདས།། སྣང་སྲིད་འདོད་ཡོན
25b3 ལྔར་གནས་ཏེ།། བདེ་ཆེན་རིགས་མ་ཀུན་ནས་དག། མ་ལུས་ཡིད་འཕྲོག་ཚིམས་བྱེད་པས།། སྒོ་གསུམ་ཕྱོགས་སུ་གཏད་དུ་མེད།། བྱ་མེད་བྱ་ལས་འདས་པ་ཡི།། རྗེས་སུ་མི་དམིགས་དེ་བཞིན་ཉིད།། མ་བཅོས་རང
25b4 རིག་ཡུལ་དང་བྲལ།། གང་དུ་བློ་གཏད་གང་འཛིན་མེད།། མ་བཅོས་ཐབས་ཀྱིས་བདེར་བཞག་པས།། རང་བྱུང་ཡེ་ཤེས་མཐའ་དབུས་མེད།། གཅིག་དང་དུ་མ་ཀུན་བྲལ་བས།། ཐམས་ཅད་མ་ལུས་ཆོས་ཀྱི
25b5 སྐུ།། བདེན་གཉིས་ཐ་སྙད་ལས་འདས་པའི།། མ་སྐྱེས་རང་རིག་བྱང་ཆུབ་སེམས།། ཡི་གེ་ཚིག་དང་མིང་སྤངས་པའི།། བརྗོད་བྱ་མ་ལུས་རྫོགས་པར་སྣང་།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད
25b6 ལས། སྣོད་བྱིན་གྱིས་བརླབས་པའི་ལེའུ་སྟེ་བཅུ་པའོ།། །། དེ་ནས་དེ་བཞིན་གཤེགས་པ་ཉིད།། གཅིག་དང་དུ་མ་ཀུན་བྲལ་བའི།། དགྱེས་པ་ཆེན་པོའི་བདག་ཉིད་ཀྱི།། ཚོགས་ཀྱི་དཀྱིལ་འཁོར་བསྟན་པར
iiif viewer powered by OpenSeadragon
