| e-texts navigator |
| Wylie |
25a1 ཤེས་མཚན་མའི་ཡུལ་ལས་འདས།། བདེ་བ་ཆེན་པོ་ཐོག་མཐའ་མེད།། བདེ་བ་ཆེན་པོའི་རང་བཞིན་ནི།། མ་སྐྱེས་བདེན་གཉིས་དབྱེར་མེད་པའི།། ངོ་བོར་མ་ལུས་ཀུན་གསལ་བ།། མི་འགྱུར་བརྟན
25a2 པར་བརྗོད་པ་ཡིན།། སྐལ་དམན་ཐབས་ཀྱི་བདེ་སྤྱོད་ན།། སྟེང་འོག་ཐབས་ཀྱིས་གནས་བྱས་ལ།། ཤེས་རབ་འཕྲུལ་གྱི་འཁོར་ལོ་བསྐོར།། རྒྱས་དང་འབྱོངས་པའི་རྟགས་བྱུང་ན།། རྒྱུ་བ་བཅད་ལ་འཁོར་ལོ
25a3 སྤང་།། བདེ་ཆེན་བར་ཆད་མེད་འདོད་ན།། ཐབས་ཀྱི་རིམ་བཞིན་བསྒོམ་པ་དང་།། ཤེས་རབ་ཡུམ་གྱི་དེ་བཞིན་ཏེ།། ཡང་ན་གཉིས་སུ་མེད་པས་བྱ།། རང་རང་ཐབས་དང་ལྡན་པར་བརྩམ།། བར་ཆད་དག་ནི་འབྱུང
25a4 བ་ན།། ཐབས་དང་ལྡན་པས་བསྐྱེད་པར་བྱ།། ལུས་ལ་བརྟེན་པས་སེམས་གང་སྟེ།། ཕྱི་ནང་བདེ་ཆེན་རྒྱས་པར་བྱ།། དེ་ནས་ནམ་མཁའི་མཐའ་ཐུག་པར།། ཁྱད་པར་བར་ཆད་མེད་པར་གནས།། གོམས་པའི་རིམ
25a5 དང་བྱིན་རླབས་ལས།། མཁའ་འགྲོ་གསུམ་གྱི་སྣང་ཐོབ་ནས།། ཞིང་ཁམས་ཕྱོགས་བཅུ་རྡུལ་སྙེད་བཅས།། བདེ་ཆེན་ཟག་པ་མེད་པར་གནས།། དང་པོ་བྱིན་རླབས་སྨད་ཐོབ་ནས།། རྡོ་རྗེ་འཛིན་པ་མཐའ་ཐུག
25a6 པ།། ཚེས་ནས་བཅུ་དྲུག་མཐར་ཕྱིན་ལྟར།། མན་ངག་སྟོབས་ཀྱིས་ཤེས་པར་བྱ།། ལུང་དང་རིགས་པ་ལ་སོགས་པའི།། ཡིད་དཔྱོད་ཚད་མ་རིང་སྤངས་ནས།། ཉམས་མྱོང་ཚད་མ་ལ་བརྟེན་པས།། རིམ་སྤངས་ཚེ་འདི
iiif viewer powered by OpenSeadragon
