| e-texts navigator |
| Wylie |
259b1 མེད་པར་མཛེས།། རྒྱལ་བ་མ་ལུས་ཡོན་ཏན་རྫོགས་པར་སྣང་ལ་དེ་དག་མཐའ་ཐུག་མེད་ཧོ།། སྒྱུ་འཕྲུལ་དྲ་བའི་གསུང་ནི་ཟབ་ཅིང་རྒྱ་ཆེར་ནམ་མཁའ་འདྲ།། མ་ལུས་གོ་ཞིང་ཚིམ་མཛད་རྡོ་རྗེའི་སྒྲ་འབྱིན་སྙན་སྒྲོགས
259b2 པ།། རྡོ་རྗེ་སྒྲ་ཆེན་མཐའ་ཡས་མོས་དང་འཐད་པ་དེ་བཞིན་རྣམ་པར་སྣང་ཧོ།། སྒྱུ་འཕྲུལ་དྲ་བའི་ཕྲིན་ལས་སྣ་ཚོགས་བྱ་བ་ལྷུན་གྱིས་གྲུབ།། བསྐལ་པ་ཞིང་གི་རྡུལ་སྙེད་འགྲོ་བ་མ་ལུས་ཀུན་འདུལ་བ།། ཐབས་དང
259b3 ཤེས་རབ་འདུ་འབྲལ་མེད་པའི་རྫུ་འཕྲུལ་སྣ་ཚོགས་འདི་ནི་རྣམ་པར་རོལ་ཧོ།། དེ་ནས་རྒྱལ་མཆོག་སྐྱེས་བུ་ཡིས།། རྡོ་རྗེ་འཛིན་པ་ལ་སོགས་པ།། བྱེ་བ་རྡུལ་སྙེད་བཅས་པ་ལ།། གསང་བ་འདི་ནི་གཏད་པར
259b4 མཛད།། ང་ཡི་གསང་བའི་སྙིང་པོ་འདི།། དུས་གསུམ་སངས་རྒྱས་ཐམས་ཅད་ཀྱི།། བསྟན་པ་ཀུན་གྱི་རང་བཞིན་ཏེ།། མ་ལུས་ཀུན་གྱི་ཐབས་སུ་སྣང་།། གསང་སྔགས་རྡོ་རྗེ་ཐེག་པ་སྟེ།། དཔལ་ལྡན་སྒྱུ་འཕྲུལ་ཐུགས
259b5 ཀྱི་རྒྱུད།། ཆོས་རྣམས་མ་ལུས་ཀུན་སྣང་བ།། གསང་བའི་མེ་ལོང་ཐབས་ཀྱི་རྒྱུད།། རྒྱལ་བ་རྡུལ་སྙེད་ཀུན་འདུས་ནས།། དམ་པ་འདི་ལ་བསྔགས་པར་མཛད།། སྒྱུ་འཕྲུལ་དྲ་བའི་རྒྱུད་ཆེན་པོ།། ཟབ་མོའི་ལུང་གི་ངེས
259b6 དོན་འདི།། རིགས་ཆད་དམན་པའི་གང་ཟག་གིས།། ཐམས་ཅད་ལ་ནི་མེ་ལོང་ལྟར།། བལྟས་ཀྱང་གཟུགས་བརྙན་མི་སྣང་བས།། སྟོན་པ་གཉིས་ལ་རྒྱབ་ཕྱོགས་ཤིང་།། བརྟགས་པའི་ཕྱི་རོལ་ཆོས་ལ་ཞེ་ན།། སློབ
iiif viewer powered by OpenSeadragon
