| e-texts navigator |
| Wylie |
259a1 རྣམ་པར་གཡོ་མཛད་དེ།། ཀུན་ཏུ་རབ་གཡོ་རྣམ་པར་གཡོ།། སྟོང་གསུམ་འཇིག་རྟེན་འཁོར་ཡུག་བཅས།། འོད་དང་སྒྲ་ཡིས་གང་མཛད་དེ།། རྨད་འབྱུང་སྐུ་གསུང་ཐུགས་རྣམས་ཀྱི།། ངོ་མཚར་ཚོ
259a2 འཕྲུལ་རྣམ་པར་སྣང་།། ངོ་མཚར་ཆོ་འཕྲུལ་རྨད་འབྱུང་གི། ཕྱི་ནང་གསང་བའི་མཆོད་པ་དང་།། འདོད་ཡོན་ལྔ་ཡིས་ཁྱབ་མཛད་དེ།། རྒྱལ་བའི་ཚོགས་ཀུན་མཉེས་པར་བྱས།། ཀུན་ཀྱང་དགའ་ཞིང་མོས་པ
259a3 ཡིས།། ཞིང་ཁམས་རྡུལ་དང་མཉམ་པ་ཡི།། འཁོར་ཚོགས་རྣམས་ནི་བསྟོད་པ་འདི།། སྣ་ཚོགས་སྒྲས་ནི་གླུ་རུ་བླངས།། ཨོཾ་ཨཱཿཧཱུཾ་ཨ་ལ་ལ་ཧོ།། སྒྱུ་འཕྲུལ་དྲ་བའི་ཐུགས་ནི་མི་སྐྱེ་ཡེ་ཤེས་བདེ་བའི་ཐུགས།། མི་རྟོགས
259a4 གསལ་བའི་ཐུགས་ནི་ཀུན་ལ་ཁྱབ་པར་གནས།། གང་ཡང་དབྱེར་མེད་འདུས་བྱས་མ་ཡིན་འདུས་མ་བྱས་མིན་སྐྱེ་འཇིག་མེད།། དམ་པའི་ཐུགས་ལ་བྱུང་ཚོར་གཡོ་འགོག་ཅི་ཡང་མེད་པས་བདེ་ཧོ།། སྒྱུ་འཕྲུལ་དྲ་བའི
259a5 ནི་སྣ་ཚོགས་འོད་འབར་བདེ་བའི་སྐུ།། སྣ་ཚོགས་མཐའ་ཡས་ཇི་ལྟར་སྣང་བ་ངོ་བོས་དབེན།། དེ་ཉིད་འདུ་བའི་ཐབས་ཀྱིས་དེ་ལྟར་ཡིད་འཕྲོག་ཚིམ་པའི་སྐྲ།། མཐའ་ཡས་སྣ་ཚོགས་བྱེ་བྲག་ཇི་ལྟར་གསལ་ཡང
259a6 ནམ་མཁའི་ངང་དུ་བྱེ་བྲག་མེད་ཧོ།། སྒྱུ་འཕྲུལ་དྲ་བའི་ཡོན་ཏན་ཡིད་བཞིན་ནོར་བུ་རིན་པོ་ཆེ།། མི་ཟད་པར་ལྡན་རྒྱན་གྱི་འཁོར་ལོ་དཔག་མེད་རྒྱས་པར་སྣང་།། འགྲོ་བ་རྣམས་ནི་ཡིད་འཕྲོག་བལྟས་པས་ཆོག་ཤེས
iiif viewer powered by OpenSeadragon
