| e-texts navigator |
| Wylie |
258b1 རྗེ་ཐུགས་ཞེས་བྱ།། དཔག་མེད་ནམ་མཁའི་ཞིང་ཁམས་དང་།། ཆེ་བའི་ཁྱད་པར་བསྟན་པའི་གདན།། ཟག་པ་མེད་པའི་རྒྱན་རྣམས་དང་།། ཡེ་ཤེས་འབར་བའི་གཞལ་ཡས་ཁང་།། མཐའ་དབུས་མེད་པར་ཁྱབ་པ
258b2 ཡི།། འོད་ཟེར་ཚོགས་ནི་རྣམ་པར་སྣང་།། གཞན་ཡང་ཡོན་ཏན་ཆེན་པོ་ནི།། མཐའ་དབུས་མེད་པའི་ནམ་མཁའ་ལྟར།། དཔག་ཅིང་གཞལ་བར་མི་ནུས་ཏེ།། ཟག་མེད་ཆེ་བའི་ཡོན་ཏན་སྣང་།། གཞན་ཡང་མཛད་པའི
258b3 ཕྲིན་ལས་ནི།། གདུལ་བྱའི་ཡུལ་ནི་ཇི་སྙེད་པ།། མཛད་པའི་སྒོ་ནི་བསམ་ཡས་ཏེ།། མཐའ་ཐུག་མེད་པར་རྣམ་པར་སྣང་།། འདི་དག་བསྡུས་པས་བཤད་བྱ་ན།། ཞི་རྒྱས་དབང་དྲག་ལ་སོགས་པས།། མཐའ་ཡས་བཞིས
258b4 ནི་རྣམ་པར་བསྡུས།། ལྷུན་གྱིས་གྲུབ་པར་ཀུན་ཀྱང་འགྲུབ།། མདོར་ན་འབྲས་བུའི་རྣམ་གྲངས་ནི།། བསྡུས་པས་ཉི་ཤུ་རྩ་ལྔར་གནས།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ
258b5 ལས།། ལྷུན་གྱིས་གྲུབ་པ་མ་ལུས་པ་བཤད་པའི་ལེའུ་སྟེ་བཅུ་གཉིས་པའོ།། །། དེ་ནས་གསང་བདག་རྡོ་རྗེ་འཛིན།། དཔག་མེད་རྒྱལ་བས་དབང་བསྐུར་བ།། གསང་བའི་བདག་པོ་སྔགས་ཀྱི་མཛོད།། གཏེར
258b6 འཛིན་རྒྱལ་པོ་སྟོབས་པོ་ཆེ།། རང་གི་ལག་གི་རྡོ་རྗེ་ཉིད།། དགའ་ཞིང་མགུ་བས་གསོར་བྱས་ཏེ།། བྱེ་བ་རྡུལ་སྙེད་བཅས་པ་ཡིས།། རབ་ཏུ་བསྐོར་བ་བྱས་པ་ཡིས།། འཇིག་རྟེན་དྲུག་ཏུ་བཅས་པ་དག། འཁྲུགས་ཤིང
iiif viewer powered by OpenSeadragon
