| e-texts navigator |
| Wylie |
258a1 དང་མཉམ་པར་གནས།། དོན་གྱིས་མ་ལུས་ཁྱབ་འགྱུར་བ།། བརྗོད་མེད་དོན་གྱི་གསུང་ཉིད་དོ།། སྐུ་དང་ཕྱག་རྒྱ་གཟིགས་ཚུལ་གྱིས།། ཏིང་འཛིན་དགོངས་པས་འདུལ་བ་ལ།། བརྗོད་མེད་ཚུལ་གྱིས
258a2 གང་སྟོན་པ།། བརྡ་ཡི་གསུང་དུ་རྣམ་པར་བསྟན།། གང་ཡང་རུང་བ་མཐོང་ཐོས་ཚེ།། དཔའ་བོས་བལྟས་པས་གཡུལ་སེལ་ལྟར།། དངོས་པོས་བྱང་ཆུབ་ནམ་མཁར་རྟོགས།། བྱིན་བརླབས་རྟོགས་པའི་གསུང་ཞེས
258a3 བྱ།། གང་གི་དོན་དུ་གང་སྣང་བ།། གཉེན་པོ་བར་ཆད་མི་གནས་ཤིང་།། གཞན་དག་ཕམ་བྱེད་མི་ཐུབ་པ།། ཟིལ་གྱིས་གནོན་པའི་གསུང་དུ་བརྗོད།། ཚིག་གཅིག་བརྗོད་པས་ཚིག་མཐའ་ཡས།། མོས་པ་དེ་རྙེད་རྣམ
258a4 གྲོལ་ཅིང་།། ཡོན་ཏན་རྒྱ་མཚོ་ཕུན་སུམ་ཚོགས།། འདི་ནི་བརྗོད་པ་ཚིག་གི་གསུང་།། ཇི་སྙེད་མང་པོར་རྣམ་སྤྲོས་ཀྱང་།། ཆོས་ཀྱི་དབྱིངས་ལ་ཁྱད་པར་མེད།། རྟོག་ལ་རྣམ་རྟོག་མཚན་མ་ཡང་།། མི་རྟོག་ཡེ་ཤེས་གྲོལ
258a5 བའི་ཐུགས།། གཉིས་མེད་བདེ་བ་ཆེན་པོ་ཡིས།། འདོད་པའི་ལོངས་སྤྱོད་ལྔ་ལ་རོལ།། མ་ལུས་བདེ་བར་སྣང་བའི་ཚེ།། འདི་ནི་བདེ་བ་ཆེན་པོའི་ཐུགས།། བདག་གཞན་ཕྱི་ནང་མི་མངའ་ཡང་།། རང་འབྱུང་གཉིས་ཀྱི
258a6 ཕྱོགས་བྲལ་བས།། གདུལ་བྱའི་བསམ་པ་ཀུན་མཁྱེན་པས།། འགྲོ་བ་མ་ལུས་བསྒྲལ་བའི་ཐུགས།། ཇི་སྙེད་རིག་པའི་དོན་སྣང་ཞིང་།། མ་ལུས་ཀུན་གྱི་ངོ་བོ་ལ།། སྐྱེ་འཇིག་གཉེན་པོ་གདོད་ནས་སྟོང་།། མི་འགྱུར་རྡོ།
iiif viewer powered by OpenSeadragon
