| e-texts navigator |
| Wylie |
257b1 འདུལ་ཐབས་སྣ་ཚོགས་སྣང་།། ཐུགས་ནི་མ་ལུས་མཁྱེན་པའི་ཐུགས།། ཕན་དང་བདེར་བཅས་བརྩེར་ལྡན་པའི།། མངོན་ཤེས་མཁྱེན་པའི་ཡེ་ཤེས་སྤྲོ།། ཡེ་ཤེས་ཐུགས་ལ་ཁྱད་པར་མེད།། ཡོན་ཏན་ཚད་ཁྱད་བྲལ་བ
257b2 སྟེ།། ནམ་མཁའི་ནོར་བུ་གཏེར་འཆང་བ།། དཔག་མེད་བསམ་པ་བསྐང་བའི་ཕྱིར།། བྱིན་བརླབས་ཡིད་བཞིན་ནོར་བུའི་ཚུལ།། ཕྲིན་ལས་བྱིན་བརླབས་རང་སྣང་བ།། འགྲོ་འོད་མེད་པའི་དོན་ཚུལ་གྱིས།། དཔག
257b3 བསམ་བུམ་དང་རིན་ཆེན་གྱི།། བྱ་བྱེད་མེད་པར་དོན་རྣམས་རྫོགས།། མ་ལུས་སྤྲོས་པ་རྣམ་དག་ཅིང་།། རང་འབྱུང་རིག་པ་མཐའ་དབུས་མེད།། མ་ལུས་ཀུན་གྱི་འབྱུང་གནས་ཏེ།། བདེ་བ་ཆེན་པོ་ཆོས་ཀྱི་སྐུ།། འདོད
257b4 པའི་ལོངས་སྤྱོད་ཐམས་ཅད་ནི།། གཉིས་མེད་ངང་ལ་ཀུན་རྫོགས་པས།། དེ་ཉིད་ཚད་བྲལ་མངའ་བརྙེས་པས།། ལོངས་སྤྱོད་ཡོངས་སུ་རྫོགས་པའི་སྐུ།། སྐུ་གཅིག་ཐིག་ལེའི་ངོ་བོ་ལས།། འཇིག་རྟེན་ཁམས་ནི་ཐམས
257b5 ཅད་དུ།། ཇི་ལྟར་འདུལ་བའི་ཚུལ་བཞིན་དུ།། རྣམ་པར་འཕྲུལ་པ་སྤྲུལ་པའི་སྐུ།། མ་བྱུང་མ་སྐྱེས་དོན་རྟོགས་པས།། མ་ལུས་དབྱེར་མེད་རྡོ་རྗེ་ཉིད།། མི་འཇིགས་གཉེན་པོ་ཀུན་བྲལ་བ།། རྡོ་རྗེ་སྒྲ་ཞེས་རྣམ་པར
257b6 བསྟན།། གང་དུ་མངོན་པར་བྱང་ཆུབ་པའི།། འོད་གསལ་ནམ་མཁའི་མཐའ་དབུས་མེད།། སྐུ་བཞི་མཐའ་ཡིས་མ་རེག་པ།། དང་པོ་མངོན་པར་བྱང་ཆུབ་པའོ།། མ་ལུས་དབྱེར་བ་མཐའ་སྤངས་ཤིང་།། དེ་ལྟར་ཀུན
iiif viewer powered by OpenSeadragon
