| e-texts navigator |
| Wylie |
256b1 ཀྱང་ཐབས་དང་ཤེས་རབ་བྲལ་བས་བྱང་ཆུབ་མྱུ་གུ་གཏན་ནས་སྐམས་ཧོ།། འདི་ནི་གླུ་རུ་བླངས་པ་ཡིས།། རྡུལ་སྙེད་བཅས་པའི་འཁོར་ཚོགས་རྣམས།། རང་རང་རྒྱན་དང་གོས་དོར་ཏེ།། དཔའ་བོ་སྒེག་མོའི་ཚུལ
256b2 འཛིན་ཅིང་།། དཀྱིལ་འཁོར་ཕྱོགས་བཅུའི་རྡུལ་སྙེད་དུ།། གླུ་དང་གར་ནི་སྣ་ཚོགས་ཀྱིས།། ཐ་མལ་ཡིད་རྟོགས་བཅད་ནས་ནི།། བདེ་ཆེན་ཡིད་ནི་འཕྲོག་པར་མཛད།། དེ་བཞིན་དཀྱིལ་འཁོར་བསམ་ཡས
256b3 དང་།། ཞིང་ཐབས་བདེ་བ་རྨད་འབྱུང་བ།། འདུལ་བའི་ཐབས་ནི་སྣ་ཚོགས་པ།། དཔག་མེད་མཐའ་མས་ཅིར་སྣང་ཡང་།། རང་བྱུང་ཡེ་ཤེས་བྱང་ཆུབ་སེམས།། ཐིག་ལེ་གཅིག་གི་ངོ་བོ་ལས།། མཛད་པའི་གར་ཐབས
256b4 སྣ་ཚོགས་ཀྱིས།། འདུལ་བའི་དབང་དུ་ཅི་ཡང་སྤྲོ།། ཐབས་ལ་ཐབས་ཀྱིས་དབང་སྒྱུར་བས།། ཐབས་ཆེན་ཐབས་ལས་བྱུང་བ་ཡི།། ངོ་མཚར་ཡ་མཚན་རྨད་པོ་ཆེ།། སངས་རྒྱས་ཀུན་གྱི་རང་བཞིན་ཏེ།། ཐབས་ཆེན་སྐུ
256b5 མ་རྨད་དུ་བྱུང་།། སྒྱུ་མ་སྐྱེ་འགག་མེད་པའི་དབྱིངས།། སྐུ་གསུང་ཡོན་ཏན་ཕྲིན་ལས་ཐུགས།། མ་ལུས་ཀུན་འདུས་རྣམ་པར་དག། ཐམས་ཅད་རང་རིག་བྱང་ཆུབ་སེམས།། ཀུན་ནས་འཁྱིལ་བའི་དཀྱིལ་འཁོར
256b6 ཏེ།། ཀུན་གྱི་རང་བཞིན་འབྱུང་གནས་ཉིད།། བྱ་བ་བྱེད་ལ་བྱས་པ་མེད།། ཟད་དང་འཕེལ་བ་མེད་པ་ཡི།། དངོས་གྲུབ་གཏེར་ཆེན་བསམ་མི་ཁྱབ།། ཡེ་ཤེས་ཐིག་ལེ་རང་སྣང་བ།། བསམ་གྱིས་མི་ཁྱབ་མཐའ་ཡས
iiif viewer powered by OpenSeadragon
