| e-texts navigator |
| Wylie |
255a1 པ།། ཕྱོགས་མེད་བདེ་བ་ཆེན་པོ་ཉིད།། གསང་བའི་ཐིག་ལེ་ཆེན་པོ་ནི།། ཡོན་ཏན་རྫོགས་པའི་ངོ་བོ་སྟེ།། བདེ་བ་ཆེན་པོའི་སྙིང་པོ་ལས།། དཔག་མེད་ཡོན་ཏན་རྣམ་པར་འཕྲུལ།། བདེ་བ་ཆེན
255a2 པོའི་ཐིག་ལེ་ནི།། འདུ་འཕྲོ་བྲེལ་བས་ཟག་པ་མེད།། ཕྱོགས་རིས་འདས་པས་མ་ཁྱབ་མེད།། ཐོག་མཐའ་མེད་པར་མཉམ་པ་ཡིན།། རྒྱལ་བ་ཀུན་གྱི་རང་བཞིན་ཏེ།། ཐིག་ལེ་རོ་ལ་མཉམ་བཞུགས་པས།། ནམ་མཁའི
255a3 མཐས་གཏུགས་ཆོས་ཐམས་ཅད།། བདེ་བ་ཆེན་པོར་གསལ་བར་མྱོང་།། མཚན་དང་དཔེ་བྱད་ཚད་འདས་པ།། རང་ལ་རྫོགས་པའི་ཐིག་ལེ་ཉིད།། ཇི་སྙེད་བདེ་བའི་རོལ་པ་ཀུན།། རང་ལ་རྫོགས་པ་ཉིད་དུ
255a4 གནས།། སངས་རྒྱས་ཀུན་གྱི་བདེ་བ་ནི།། རང་འབྱུང་ཐིག་ལེ་ཆེན་པོ་སྟེ།། ཨཱ་ལི་ཀ་ལི་ཞུ་བ་ལས།། ནམ་མཁའ་ཁྱབ་པའི་བདེ་བ་འབྱུང་།། གསང་བའི་ཐིག་ལེ་ཀུན་གྱི་རྒྱུ།། ནམ་མཁའི་ཐིག་ལེ་གསང་བའི
255a5 ང་།། ཁྱབ་པ་ཆེན་པོ་ཕྱོགས་ཆ་མེད།། ལུས་གནས་རང་བཞིན་མ་སྐྱེས་པ།། བདེ་བའི་དབང་ཕྱུག་སྐུ་གསུང་ཐུགས།། ནམ་མཁའ་ལྟ་བུར་དཔག་ཏུ་མེད།། ཐབས་དང་ཤེས་རབ་དབྱེར་མེད་པའི།། གསང་བའི་ཐིག
255a6 ལེ་བཞུགས་པའི་གནས།། དཔག་མེད་ཏིལ་འབྲུ་རྡུལ་སྙེད་ཀྱི།། རྒྱལ་བ་ཀུན་དང་ལྷན་ཅིག་ཏུ།། མ་ལུས་བདེ་བ་ཆེན་པོའི་རོ།། ལྷན་ཅིག་སྐྱེས་པའི་རང་བཞིན་གྱིས།། མ་གསུངས་རིག་པས་ཉམས་བཏང་བས།། མི
iiif viewer powered by OpenSeadragon
