| e-texts navigator |
| Wylie |
254b1 བའི་ཡོན་ཏན་ལྷུན་རྫོགས་པའི།། སངས་རྒྱས་དྲུག་པའི་རང་བཞིན་ཏེ།། ནམ་མཁའི་མཐས་གཏུགས་མཚན་པ་ཡིས།། བདེ་ཆེན་ཡེ་ཤེས་རྒྱས་པར་གནས།། བཅུ་དྲུག་ཞག་གིས་རྫོགས་པ་ལྟར།། མ་ལུས་རྫོགས་པའི
254b2 ཡེ་ཤེས་ཉིད།། ས་མཐའི་ཉེས་པ་ཀུན་བྲལ་བ།། ཀུན་གྱི་ཡོན་ཏན་བདག་ཉིད་གནས།། སངས་རྒྱས་ཞིང་ཁམས་མཐའ་ཡས་པའི།། ནམ་མཁའི་མཐའ་ཐུག་བར་དུ་ནི།། གདུལ་བྱའི་རྡུལ་སྙེད་གནས་ཀྱི་བར།། སྐད
254b3 ཅིག་འདུ་འབྲལ་མེད་པར་གནས།། བཅུད་འདུས་ཐིག་ལེ་ཆེན་པོ་ནི།། བདེ་བའི་ཟག་མེད་ཐིག་ལེ་སྟེ།། ཨ་དང་བདེ་བར་འབྲེལ་བ་ཡི།། མ་ལུས་ཁྱབ་པའི་ཚུལ་དུ་བཞུགས།། ཐིག་ལེའི་བྱེ་བྲག་བརྒྱད་ཅུའི
254b4 རྩ།། བཅུད་འདུས་གསང་བའི་ཐིག་ལེའི་རོ།། མ་སྐྱེས་མཉམ་ལ་གནས་འགྱུར་ཞིང་།། མ་ལུས་གང་བའི་ཚུལ་གྱིས་ནི།། ཞིང་ཁམས་ཕྱོགས་བཅུ་མཐའ་ཡས་པ།། ཟག་མེད་ཐིག་ལེར་རོ་གཅིག་པས།། ནམ་མཁའི
254b5 གཟུགས་ཅན་དེ་བཞིན་ཉིད།། སྐུ་བཞི་འདུས་པའི་ཁམས་ཐིག་ལེ།། དངས་མ་ལྔ་འདུས་སྙིང་པོ་ཅན།། གསུམ་འདུས་མི་འགྱུར་སྙིང་པོ་སྟེ།། བདེས་གང་བཞི་བཅུ་རྩ་གཉིས་པོ།། ཐིག་ལེ་རོ་ཡིས་གང་ཕྱེ་བ།། དཔག
254b6 སྐྲ་གསུང་ཡོན་ཏན་ཐུགས།། བསམ་གྱིས་མི་ཁྱབ་རང་སྣང་བ།། ཐིག་ལེ་ཕྱག་རྐུ་བསམ་མི་ཁྱབ།། ཕྱི་ནང་དངས་སྙིགས་མ་ལུས་པ།། རང་འབྱུང་དངས་མའི་ཐིག་ལེ་ཉིད།། གཞན་མེད་ཕྱོགས་མེད་རང་སྣང
iiif viewer powered by OpenSeadragon
