| e-texts navigator |
| Wylie |
254a1 ཆེ།། དཔག་མེད་ཡོན་ཏན་ལྷུན་རྫོགས་པ།། ཚད་དང་དམིགས་པ་ལས་འདས་པ།། བསམ་ཡས་ལྷུན་གྱིས་གྲུབ་པ་སྟེ།། ནམ་མཁའི་མཐའ་ལྟར་དཔག་མེད་པ།། ཐམས་ཅད་མཁྱེན་པའི་ཡེ་ཤེས་ནི།། མ
254a2 ལུས་མཆོག་གི་གཏེར་གྱུར་པ།། ཟད་འཕེལ་མེད་པའི་ནོར་བུ་སྟེ།། མ་ལུས་ཀུན་ལ་མཉམ་དུ་གནས།། སངས་རྒྱས་ཀུན་གྱི་རང་བཞིན་ནི།། རྒྱ་དབྱིངས་ཚད་ལས་འདས་པ་ཡི།། དག་དང་མ་དག་ཅི་སྣང་ཡང་།། བླང
254a3 དོར་ཕྱོགས་རིས་ཡོངས་ཀྱིས་མེད།། རང་འབྱུང་འོད་གསལ་མཎྜལ་ལ།། མ་ལུས་གཅིག་གི་རང་བཞིན་ཏེ།། ཐུགས་རྗེའི་བྱིན་བརླབས་ཚད་མེད་པས།། མ་ལུས་བསམ་པ་སྐོང་བར་མཛད།། རང་བྱུང་ཡེ་ཤེས་ལྷུན
254a4 གྲུབ་ནི།། ཆོས་རྣམས་ཀུན་གྱི་ངོ་བོ་བས།། མ་ལུས་ཕྱོགས་མེད་རང་སྣང་ཡང་།། ཞེན་དང་ཆེད་དུ་བྱས་པ་མེད།། ས་དང་ལམ་ལ་སོགས་པ་ཡི།། ཐེག་པ་ཀུན་གྱི་འབྲས་བུ་ནི།། རང་རང་ལྟོས་པའི་མཐར་ཟུག
254a5 ཀྱང་།། ཆེ་མཆོག་ལྷུན་གྲུབ་མཉམ་དང་བྲལ།། སྐད་ཅིག་ཉིད་ལ་ལྷུན་རྫོགས་པའི།། སངས་རྒྱས་དཔག་མེད་ཡོན་ཏན་རྣམས།། རིགས་བདག་རྡོ་རྗེ་འཆང་ཆེན་གྱིས།། ཡེ་ཤེས་ལྷ་མོ་རོལ་དབང་གིས།། ཉི་ཟླའི་བདེ
254a6 བ་མངོན་ཐོབ་སྟེ།། རྡོ་རྗེ་འཆང་གི་ས་ལ་བཀོད།། དཔག་མེད་རྒྱལ་བ་ཐམས་ཅད་ཀྱི།། འགྲོ་བའི་གདུལ་བྱ་མཐའ་ཡས་པས།། སྐུ་གསུང་ཐུགས་ཀྱང་དེ་བཞིན་ཏེ།། བཞུགས་ཚུལ་དཔག་མེད་རྣམ་པར་སྣང་།། ཆེ
iiif viewer powered by OpenSeadragon
