| e-texts navigator |
| Wylie |
253b1 སེམས་མཉམ་དུ་གནས་པ་ཉིད།། ཚད་དང་རྒྱ་དབྱིངས་རོ་ལས་འདས།། དཔག་མེད་བདེ་བའི་རོལ་མོ་ནི།། སངས་རྒྱས་ཀུན་གྱི་དགྱེས་ཆེན་ཏེ།། ཐིག་ལེ་ས་བོན་ཟག་པ་བྲལ།། བདེ་ཆེན་ཉམས་མྱོང་རྒྱུན་མི
253b2 ཆད།། རང་ཉིད་ཐིག་ལེར་ཉམས་མྱོང་བས།། སྙིང་པོའི་ཐིག་ལེ་བྲལ་བ་མེད།། ཕྲ་ཞིང་རྡུལ་བྲལ་དྲི་མ་མེད།། རྡོ་རྗེ་ཐིག་ལེ་དྲིལ་བུ་ཉིད།། འབད་རྩོལ་མེད་པར་རང་སྣང་བ།། བྲལ་ཐོབ་མེད་པའི་ངོ་བོར
253b3 གནས།། གང་དུ་ཡོན་ཏན་ཚོགས་ཀྱིས་རབ་རྒྱས་པ།། བདེ་ཆེན་ཆུ་རྒྱུན་ལྟ་བུའི་རྒྱུན་ལས་བྱུང་།། ཚོགས་གཉིས་ཡོངས་རྫོགས་བདག་གཞན་ལྷུན་གྱིས་གྲུབ།། གཞན་ན་མེད་དེ་རང་ཉིད་སྣང་བར་ཟད།། རང་བཞིན
253b4 གནས་ཕྱིར་གཞན་ནས་འོང་བ་མེད།། ཞེན་པ་བཟློག་པས་བདག་ཞལ་བདག་གིས་མཐོང་།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་ལམ་གྱི་ཁྱད་པར་མ་ལུས་པ་བཤད་པའི་ལེའུ་སྟེ
253b5 བཅུ་གཅིག་པའོ།། །། དེ་ནས་གཞན་ཡང་བཤད་བྱ་བ།། མ་ལུས་ཀུན་གྱི་བསྒྲུབ་བྱ་ཉིད།། ཕྱོགས་བཅུ་མ་ལུས་རྡུལ་སྙེད་ཀྱི།། ཆེ་བའི་ཡོན་ཏན་བཤད་པར་བྱ།། མཐར་ཕྱིན་ལྔ་ཡི་རང་བཞིན་ནི།། རྟོགས་དང
253b6 འབྲས་བུར་གནས་མོད་ཀྱི།། མཐོང་དང་གོམས་དང་གྲུབ་པ་ཉིད།། ཐུན་མོང་འབྲས་བུར་ཡང་དག་བཤད།། ཡང་དག་མཐར་ཕྱིན་འབྲས་བུར་ནི།། ཐབས་ཆེན་ཐབས་ལས་བྱུང་བ་ཡི།། ཡིད་བཞིན་ནོར་བུ་རིན་པོ
iiif viewer powered by OpenSeadragon
