| e-texts navigator |
| Wylie |
253a1 གནས།། རྡོ་རྗེ་པདྨའི་ཐིག་ལེ་ཉིད།། ས་ཡ་བཅུ་གསུམ་ཕྲག་གཉིས་རྩ།། ཉི་ཟླ་འདྲེས་པའི་གར་ཐབས་ཀྱིས།། སོ་སོ་བདེ་བའི་ཕོ་བྲང་དུ།། ཐིག་ལེས་གང་བར་སྤྲོས་པའི་ཚེ།། སྐུ་གསུང་ཐུགས་དང་ཡེ
253a2 ཤེས་ལྔ།། ཉམས་མྱོང་རོ་ཡིས་རྒྱས་བཏབ་བོ།། ལུས་ཀྱི་བདེ་བ་མཐར་ཕྱིན་ནས།། རྒྱུ་རྐྱེན་རྟེན་འབྲེལ་ལས་འདས་པའི།། རིག་པའི་བདེ་བ་ལ་གནས་བྱ།། གལ་ཏེ་ཉམས་ན་བསམ་པའམ།། བལྟ་དང་མཉན་པ་ལ
253a3 སོགས་པས།། བར་ཆད་མེད་པར་བསྒོམ་པར་བྱ།། རིག་པ་བདེ་བར་གང་སྨིན་པས།། སྒོ་གསུམ་བདེ་བ་ཆེན་པོར་སྨིན།། སྤྱོད་ཡུལ་རླུང་དང་ཐིག་ལེར་བཅས།། གོམས་པའི་ཐབས་ལ་དབང་སྐུར་བས།། རྟེན་དང
253a4 བརྟེན་པར་བཅས་པ་ཡི།། ཐིག་ལེ་རླུང་ལ་དབང་སྐུར་ཞིང་།། ལྷ་མོ་མི་མོ་གནོད་སྦྱིན་མོ།། མཁའ་འགྲོ་རྣམས་ལ་དབང་བྱེད་ནུས།། ཐིག་ལེ་དབབ་དང་འཛིན་པ་དང་།། ཟློ་དང་སྦྱོར་ལ་དབང་སྒྱུར་ཏེ།། གལ་ཏེ
253a5 མཁའ་ལ་འཕྲོས་པའི་ཚེ།། དངོས་གྲུབ་ལམ་དང་བྲལ་བ་ཡིན།། ཕྱིན་ཅད་མཆོད་དང་ནུས་པ་སྦྱིན།། རང་གི་སྐབས་ནི་མ་གཏོགས་པ།། གཞན་དུ་ཐིག་ལེ་མི་ལྷུང་ཞིང་།། དབང་སྒྱུར་ལམ་ལ་གོམས་པར་བྱ།། ཉི་ཟླ
253a6 འདྲེས་པའི་བདེ་བ་ཉིད།། ཟག་མེད་སྙིང་པོར་ཐིམ་པའི་ཚེ།། སེམས་ཀྱི་བདེ་བར་རང་སྣང་ཞིང་།། སེམས་ཀྱི་བདེ་བ་བར་ཆད་མེད།། གསལ་བྱེད་སྟོབས་དང་བྲལ་བའི་ཚེ།། མ་ལུས་བདེ་ཆེན་ཕྱག་རྒྱ་སྟེ།། ལུས
iiif viewer powered by OpenSeadragon
