| e-texts navigator |
| Wylie |
252b1 ཆེན་ཐིག་ལེ་ཉམས་སུ་འབར།། བསྐལ་པ་དུ་མར་གནས་གྱུར་ཅིང་།། འབྱུང་བ་ལྔ་དང་སྤྱོད་ཡུལ་ཀུན།། རང་ལུས་བདེ་བར་བསྲེ་བ་འགྲུབ།། གསང་བའི་ལམ་ལ་གོམས་བྱེད་ན།། མཚོན་བྱེད་རིག་པའི་བདེ་བ
252b2 ཡིས།། ལྷན་ཅིག་སྐྱེས་པའི་དགའ་བ་རྟོགས།། མཐར་ཕྱིན་ལམ་གྱི་རིམ་པ་འགྲུབ།། དབང་པོ་དར་ཞིང་ཆགས་པ་དང་།། བདེ་ཆེན་མོས་པའི་རྣལ་འབྱོར་པས།། ཨེ་དང་བཾ་ལ་གནས་པ་ཡི།། བྱང་ཆུབ་རྡོ་རྗེ་དྲིལ་ལས
252b3 འབྱུང་།། དངོས་པོ་ལྷན་ཅིག་སྐྱེས་པ་ཡིས།། མ་ལུས་བདེ་བར་རྟོགས་བྱས་ལ།། ཕྱི་ནང་སྦྱོར་བའི་ཆོ་ག་ཡིས།། གང་ཞིག་རྟགས་དང་ལྡན་པའི་ཚེ།། གསང་བའི་ཕྱག་རྒྱ་བཞི་ལྡན་པས།། བདེ་ཆེན་མཆོག་ལ་རོལ་པར
252b4 བྱ།། ཡེ་ཤེས་ཉི་ཟླ་མཉམ་ལྡན་པས།། རེ་དོགས་ཆད་པའི་ཐིག་ལེ་འབྱུང་།། ལྷུང་མེད་གནས་དང་ཐིམ་པ་དང་།། བདག་པོ་གདུང་ཅན་ཕྲད་པ་ལས།། ཉིན་མཚན་བྲལ་བའི་སྣང་བ་ལྟར།། དུས་གཅིག་ཉི་ཟླ་ཤར་བའི
252b5 ཚེ།། མ་ལུས་བདེ་བས་ཁྱབ་གྱུར་ན།། གཡོ་བ་མེད་པའི་ཐིག་ལེ་འཆར།། གལ་ཏེ་ཉམས་པའི་ལྷས་བྱུང་ན།། ཟབས་དང་ཉམས་དང་རོལ་པ་ཡིས།། རིམ་པ་བཞིན་དུ་བསླབ་པར་བྱ།། ཐབས་དང་ཤེས་རབ་གཉིས
252b6 མེད་པའི།། ཉི་ཟླ་འདྲེས་པའི་ཐིག་ལེ་ཉིད།། དངོས་བྲལ་ལྷན་ཅིག་སྐྱེས་པ་ཉིད།། རྒྱལ་བ་ཀུན་གྱི་ཕྱག་རྒྱ་ཡིན།། ལྷན་ཅིག་སྐྱེས་ལ་གནས་པའི་ཚེ།། མ་ལུས་བདེ་ཆེན་རོ་གཅིག་པས།། བདེ་ཆེན་ཕྱག་རྒྱ་གཅིག་ཏུ
iiif viewer powered by OpenSeadragon
