| e-texts navigator |
| Wylie |
251b1 བཅུད།། མ་ལུས་བདེ་བའི་རྒྱས་བཏབ་པས།། ནམ་མཁའི་ཡེ་ཤེས་ཅིར་ཡང་གསལ།། དུས་གསུམ་རྒྱལ་བའི་དགོངས་པ་སྟེ།། ཐིག་ལེ་གཅིག་གིས་ཀུན་ཁྱབ་པས།། བདེ་ཆེན་སྙིང་རྗེས་གཅིག་ཏུ་འཁྱིལ།། དེ་ཉིད
251b2 བདེ་ཆེན་ཕྱག་རྒྱ་སྟེ།། ནང་གི་ཕྱག་རྒྱ་གཅིག་པར་བཤད།། དེ་ཉིད་ངེས་པར་ལས་རུང་བས།། ཐིག་ལེ་བདེ་ཆེན་དང་བཅས་པའི།། བྱེ་བྲག་བརྒྱད་ཅུ་མ་ལུས་པར།། སོ་སོའི་ཐིག་ལེར་སྐུ་འཕྲོས་ཤིང་།། ཁམས་ལྔ་ཡེ
251b3 ཤེས་རོ་དང་བཅས།། ས་བོན་ཐིག་ལེ་བདེ་བས་བརྒྱན།། མི་རྟོག་ཐིག་ལེ་ཐུགས་མཆོག་སྒྲ།། རང་ལུས་སྨིན་ནས་སྣང་བར་སྤྲོ།། གང་ནས་གང་ལ་སྤྲོས་གྱུར་པ།། དེ་སྲིད་ཐིག་ལེའི་ཕྱག་རྒྱ་སྟེ།། བདེ་བའི་ཐིག་ལེ
251b4 གྲངས་ལས་འདས།། ཡེ་ཤེས་ལྔ་དང་སྐུ་གསུང་ཐུགས།། མི་ཕྱེད་རོ་ཡིས་གང་ཁྱབ་པས།། གྲངས་འདས་བདེ་ཆེན་ཚོགས་རྫོགས་ནས།། མ་ལུས་བདེ་བའི་ཕྱག་རྒྱར་སྣང་།། གང་དེ་དེ་ཡིས་རྒྱས་བཏབ་པས།། དེ་ཉིད
251b5 བདེ་ཆེན་ཐིག་ལེར་སྨིན།། རྣམ་པ་ཕྱི་ནང་སྙིགས་མར་བཅས།། བདེ་ཆེན་ཐིག་ལེའི་ངོ་བོར་སྨིན།། སྙིགས་མ་འབྱུང་བའི་ལུས་ལས་འདས།། སྙིང་པོ་བར་ཆད་མེད་པའི་ལུས།། ཐིག་ལེས་ཐ་མའི་སྣོད་གང་བས།། མ
251b6 ལུས་བདེ་བ་ཆེན་པོར་སྨིན།། དེ་ནས་ཐབས་དང་ཏིང་འཛིན་དང་།། རླུང་གི་འདྲེན་པའི་སྟོབས་ལྡན་པ།། རིན་ཆེན་ལུང་གི་ཐིག་ལེར་ཞུགས།། སྐད་ཅིག་མངོན་ཤེས་ལྔར་སྨིན་ཅིང་།། འགྲོ་བ་རིས་དང་ཐར་པར
iiif viewer powered by OpenSeadragon
