| e-texts navigator |
| Wylie |
250b1 དོན་བྱེད་ཅིང་།། མཐོང་བས་དེ་བཞིན་གཉིས་མེད་རིགས།། རྒྱལ་ཚབ་སྐྱེས་བུ་ས་སྦྱོང་བ།། ཕྱི་ནང་སྣོད་བཅུད་མ་ལུས་པ།། ནམ་མཁའ་ལྟ་བུར་དཔག་མེད་ཅིང་།། མཐའ་དབུས་བསམ་པའི་རྒྱུན་ལས
250b2 འདས།། འཇིགས་བྲལ་དབུགས་ཕྱིན་མྱ་ངན་འདས།། རང་སྣང་དཔག་མེད་ཞལ་མཐོང་བས།། གཞན་དུ་བལྟ་བའི་ཡུལ་དང་བྲལ།། ཏིང་འཛིན་རིག་པ་གོམས་པའི་མཐུ།། མཚན་མ་སྡུག་པོ་ཡུལ་ལས
250b3 འདས།། འཇིག་རྟེན་སྟོང་ཕྲག་དབང་སྒྱུར་ཞིང་།། གཉིས་མེད་ཕྱག་རྒྱ་ཆེན་པོའི་རིགས།། ནམ་མཁའ་མཐར་ཟུག་མེད་པ་ལྟར།། བསྒོམས་དང་ནུས་པའི་རྩལ་སྟོབས་ཀྱིས།། བག་ཆགས་མཚན་མའི་ཚང་ཚིང
250b4 ལ།། ཏིང་འཛིན་རིག་པའི་མེ་བྱུང་བས།། ཞིང་ཁམས་རྒྱ་བྲལ་དཔག་མེད་དུ།། ཏིང་འཛིན་རིག་པས་གང་སྦྱངས་པ།། བསྒོམས་དང་ཏིང་འཛིན་རིག་པ་ཡིས།། རྡོ་རྗེ་འཛིན་པའི་ལུང་ཐོབ་པ།། ཕྱག་རྒྱ་ཆེན་པོའི་རིག
250b5 འཛིན་ཡིན།། དེ་ནས་རིག་པའི་རྩལ་རྫོགས་ཤིང་།། ཡེ་ཤེས་ལྷ་མོ་རོལ་དབང་གིས།། མཐར་ཕྱིན་རིག་པའི་སྐྱེས་བུ་སྟེ།། ཞིང་ཁམས་བྱེ་བའི་དབང་ཐོབ་ཅིང་།། རྡོ་རྗེ་འཛིན་པ་ཉིད་ཀྱི་སྲས།། དབང་དང་ཆོ་འཕྲུལ
250b6 ཀུན་ཐོབ་པ།། ནམ་མཁའི་མཐའ་ལྟར་དགོངས་པས་ཁྱབ།། མཉམ་བཞག་རྗེས་ཐོབ་ཁྱད་པར་གྱིས།། རྒྱལ་བའི་ལུང་མནོད་བཀའ་ལ་གནས།། ཞིང་ཁམས་དག་པར་ཀུན་སྤྱོད་ཀྱང་།། རྨད་འབྱུང་གསང་བའི་རང
iiif viewer powered by OpenSeadragon
