| e-texts navigator |
| Wylie |
250a1 ལྡན་ཞིང་།། གཏུམ་ཞིང་བརླང་ཚིག་འཛེམ་པ་མེད།། གཙང་སྨེའི་རྟོག་བྲལ་གསོད་པར་བཤད།། གང་དུ་ནུས་པ་བརྟན་ཐོབ་པ།། དེ་དག་ས་ནས་སར་སྦྱོང་བ།། རིག་པའི་སྐྱེས་བུ་དམ་པ་ཉིད།། རྣལ
250a2 འབྱོར་རིམ་པའི་ལུང་ལྡན་པ།། མ་སྐྱེས་མཉམ་ལ་དབང་སྒྱུར་ཞིང་།། མ་ལུས་གསལ་བར་མཐར་ཕྱིན་པའོ།། རང་རིག་ཡེ་ཤེས་རྒྱུད་དོན་ཕྱིར།། རང་སྣང་རིག་པ་མངོན་བྱས་པ།། རིག་འཛིན་མཆོག་སྟེ་ལྷུན་གྲུབ
250a3 པའོ།། ཏིང་འཛིན་ནུས་པའི་མཐུ་མེད་ཀྱང་།། ས་སྦྱོང་སེམས་དཔའ་བསྐྱེད་དུ་མེད།། བདེར་གཤེགས་ཉིད་དང་སྤྱོད་ཡུལ་གཅིག། རིག་པའི་སྐྱེས་བུའི་ལུང་ཐེབ་པའོ།། གལ་ཏེ་འབྱུང་བའི་ལུས་འཇིག་ན།། བདག་ཉིད
250a4 སྒོ་གསུམ་ལྷར་ལྟ་ཞིང་།། འབྱུང་བ་བསགས་པའི་ལུས་ལས་གྲོལ།། ཏིང་འཛིན་ཕྱག་རྒྱ་ཆེན་པོར་སྨིན།། ཁྱུང་ཕྲུག་སྦུབས་དང་བྲལ་བ་ལྟར།། མ་ལུས་ཕྱག་རྒྱ་སྒྱུ་མའི་མཆོག། རྣམ་པར་སྨིན་ཅེས་དེ་ལ་བརྗོད།། ཟག
250a5 པ་ཟད་པ་རྡོ་རྗེ་ལུས།། ཕྱིན་ཅད་འགྱུར་འཇིག་ཆོས་དང་བྲལ།། བདེ་བ་ཆེན་པོ་ལུང་ཐོབ་པས།། ཟག་བཅས་བསླབ་པའི་ཆོས་དང་བྲལ།། ཞིང་ལ་དབང་སྒྱུར་སྤྲུལ་པའི་ལུས།། ཏིང་འཛིན་ལོངས་སྤྱོད་དཔག་ཏུ
250a6 མེད།། བསྒྲུབས་པའི་ནུས་པ་གང་བརྟན་པ།། རྡོ་རྗེ་ལུས་གྱུར་འཇིག་པ་མེད།། འཇིག་པ་ལྔ་བྲལ་ཟག་པ་ཟད།། དབང་སྒྱུར་གསུམ་ལ་དབང་ཐོབ་པས།། བདེ་བ་ལོངས་སྤྱོད་དཔག་ཏུ་མེད།། གྲངས་མེད་བསྐལ་པར
iiif viewer powered by OpenSeadragon
