| e-texts navigator |
| Wylie |
24b1 གྱི་ཐུགས་ཉིད་དེ།། གཉིས་མེད་བདེ་ཆེན་ངོ་བོར་བརྟག། སངས་རྒྱས་ཀུན་གྱི་བདེ་ཆེན་ནི།། རྒྱུ་འབྲས་འགྲོ་འོང་ཀུན་བྲལ་བ།། ཐབས་དང་ཤེས་རབ་མི་ཕྱེད་པ།། རྡོ་རྗེ་འཆང་ཆེན་གསང་བར་དགོངས།། མ་ལུས
24b2 གསང་བར་རོ་གཅིག་པས།། ཡེ་ཤེས་སྒྱུ་མ་བདེ་ཆེན་པོ།། གཅིག་དང་དུ་མའི་ས་ལས་འདས།། ཡེ་ཤེས་རྩེ་མོ་མཆོག་ཏུ་འདོད།། རྡོ་རྗེ་སློབ་དཔོན་བྱིན་རླབས་ཀྱིས།། སྒྱུ་འཕྲུལ་དྲ་བ་ལ་བརྟེན་ནས།། དུག་གིས་དུག
24b3 ནད་སེལ་བ་ལྟར།། སྐལ་ལྡན་མཆོག་ལ་བསྟན་པ་ཡིན།། བདེ་ཆེན་ཐིག་ལེ་མི་གཡོ་བ།། རྒྱུ་འབྲས་དབྱེར་མེད་བྱང་ཆུབ་སེམས།། ཅིག་ཅར་དབང་གིས་མུན་བསལ་ནས།། མ་ལུས་བདེ་བ་ཆེན་པོར་སྐྱེ།། གང་ཚེ་ཞེན
24b4 པ་ཀུན་བྲལ་བའི།། རང་བྱུང་ཐིག་ལེ་གསལ་བའི་ཚེ།། སྐྱེ་འགག་གནས་དམིགས་འགྲོ་འོང་ཆོས།། ཞེན་རྟག་བདེ་ཆེན་ངོ་བོར་བཟློག། རྒྱུན་ཆད་པ་དང་མི་འཕེལ་དང་།། རང་རྒྱུད་པ་དང་བྱིན་མེད་པ།། འཇིག་རྟེན
24b5 ལོག་པ་མཐར་གྱུར་པས།། འདི་དག་རྣམ་པར་སྤང་བར་བྱ།། དེ་ནས་གང་དུ་མཚན་ལྡན་པའི།། ཡིད་འོང་ཕྱག་རྒྱ་ལ་བརྟེན་ཅིང་།། རྒྱུ་བ་རླུང་གི་དྲོད་ལྡན་པས།། དེ་མ་ཟག་པར་གྲོལ་བར་འགྱུར།། གསང་བའི་ཐིག
24b6 ལེལེ་རྒྱུན་བྲལ་བ།། འགྲོ་འོད་མེད་པའི་ཐབས་ཉིད་ཀྱིས།། རང་བྱུང་ཐིག་ལེ་འཕོ་འགྱུར་མེད།། རྟོགས་ནས་གོམས་པར་གནས་པར་བྱ།། འདྲེན་པའི་ཐབས་སྟོབས་ལས་བྱུང་བས།། བདེ་བ་ཆེན་པོ་མི་གཡོ་བ།། རྣམ
iiif viewer powered by OpenSeadragon
